रायपुर, 06 सितंबर 2023
महिला, बाल विकास अउ समाज कल्याण मंत्री श्रीमती अनिला भेंड़िया ह मंगलवार के बालोद जिला के डौण्डीलोहारा विधानसभा क्षेत्र के कई ठ गाँव में विकास कार्य के भूमिपूजन करिस। ओ ह डौण्डीलोहारा विकासखण्ड के ग्राम नारगी में नाली निर्माण, ग्राम बर्रापारा संजारी में सामुदायिक भवन निर्माण, ग्राम आलीवारा में मुक्तिधाम, संबलपुर में सामुदायिक भवन निर्माण के भूमिपूजन करिस। ए दौरान ओ ह ग्रामीन मन से मुलाकात कर उकर मांग अउ समस्या मन ले जानकारी लिस अउ समस्या के निराकरण के आश्वासन दिस।
श्रीमती भेंड़िया ह कहिस कि ग्रामीण मन के मांग के अनुरूप डौण्डीलोहारा क्षेत्र में सरलग विकास कार्य के स्वीकृति प्रदान करे गए हे। मुख्यमंत्री श्री भूपेश बघेल के नेतृत्व में छत्तीसगढ़ सरकार किसान मन ल समृद्ध बनाए ब सरलग प्रयास करत हे। सरकार ह किसान मन के करजा माफ कर उमन ल करजा के बोझ ले मुक्ति देवाए के काम करिस हे। ओ ह कहिस कि छत्तीसगढ़ सरकार ह किसान मन ल धान, वनोपज सहित दलहन-तिलहन के जादा मूल्य देके अन्नदाता मन के मेहनत के सम्मान करिस हे। राज्य सरकार ह गांव मन में आदर्श गौठान के निर्माण कर गौ संरक्षण के दिशा में अविस्मरणीय कार्य करिस हे।
श्रीमती भेंड़िया ह कहिस कि किसान समृद्ध होही त छत्तीसगढ़ घलो बाढ़ही। व भावना ल आत्मसात कर राज्य सरकार के द्वारा मेहनतकश किसान मन ल स्वावलंबी अउ आत्मनिर्भर बनाय जाथ हे।
