सरदार वल्लभ भाई पटेल के नाम से होही नवा मंडी बोर्ड भवन
40 करोड़ रूपिया के लागत से बने भवन में बीज निगम के कार्यालय घलो होही संचालित
रायपुर, 12 सितम्बर 2023
मुख्यमंत्री श्री भूपेश बघेल ह आज नवा रायपुर में छत्तीसगढ़ राज्य कृषि विपणन (मंडी) बोर्ड के नवा कार्यालय भवन के लोकार्पण करिस। ए मौका म ओ ह ए भवन के नामकरण सरदार वल्लभ भाई पटेल के नाम म करे के घोषणा करिस। नवा रायपुर के सेक्टर 24 में 40 करोड़ रूपिया के लागत से तियार करे गए ए भवन में बीज निगम के कार्यालय घलो संचालित होही। लगभग 1 लाख 58 हजार वर्गफीट में बनाए गए ए भवन से कृषि संबंधी विभिन्न गतिविधि संचालित होही जेकर लाभ किसान मन ल मिलही।
मुख्यमंत्री श्री भूपेश बघेल ह लोकार्पण समारोह ल संबोधित करत हुए कहिस कि किसान मन के सुविधा ह राज्य में मंडी के विस्तार करे जाथ हे। राज्य में लगभग 1.25 लाख मीट्रिक टन धान के खरीदी होना हे। ऐला देखत हुए धान संग्रहण केन्द्र मन ल घलो मंडी के रूप में विकसित करे जाथ हे। ओ ह कहिस कि राज्य में मिलेट्स के खेती ल घलो सरलग प्रोत्साहन दिए जाथ हे अउ समर्थन मूल्य म एकर खरीदी करे जाथ हे। राज्य में किसान हितैषी नीति के फलस्वरूप बस्तर अंचल में खेती-किसानी के प्रति रूझान बाढ़ीस हे। पहिली बस्तर में साग सब्जी ले उत्पादन नहीबके बराबर होवय अउ अब बस्तर में साग सब्जी उत्पादन के क्षेत्र बाढ़ीस हे। मुख्यमंत्री ह कहिस कि सरकार के सरलग प्रयास रहे हे कि किसान मन ल उमन के उपज के सही दाम मिले।
