जशपुरनगर : माँ गंगा महिला स्व सहायता समूह के महिला मन करत हे मसाला कुटाई के बुता

मसाला उद्योग से महिला मन आत्मनिर्भरता की डहर अग्रसर
समूह ल 50 हजार रुपिया से जादा के होए हे आमदनी
जशपुरनगर 29 सितंबर/2023
राज्य सरकार कती ले संचालित विभिन्न योजना से जम्मो वर्ग के हित होवत हे।  ए योजना से खास कर महिला मन के रचनात्मक क्षमता ल बढ़ाए के संग उकर सृजन क्षमता ल स्थानीय संसाधन के संग जोडे़ गए हे। गौठान मन में स्व सहायता समूह के महिला मन विभिन्न आजीविका मूलक गतिविधि से जुड़ के आत्मनिर्भर बन गए हे। ग्रामीण क्षेत्र में निवासरत महिला मन ल समूह के रूप में गठित कर रोजगार से जोड़े जाए के अति महत्वाकांक्षी योजना हे। महिला मन राज्य आजीविका मिशन ले जुड़ के सफलता के नवा कहानी लिखत हे, अउ अपन सपना ल पंख दे के नवा उड़ान ब तियार हे। इ कड़ी में जिला के मनोरा गाँव में माँ गंगा स्व सहायता समूह कती ले मसाला कुटाई, मसाला उद्योग के संचालन करे जाथ हे। जेमा हरदी, धनिया, मिरचा, गरम मसाला के उत्पादन करे जाथ हे। स्व सहायता समूह के महिला मन एक साल में एक लाख रुपिया तक के मसाला बना के बेच डारे हे। स्व सहायता समूह द्वारा सी-मार्ट, लोकल मार्केट, हाट बाजार, सुपर मार्ट के अलावा समय-समय म होए वाले उत्सव मेला, गोठान मेला, सरस मेला में बेचे जाथे। स्व-सहायता समूह ले अनीता, प्रभा, पूनम नायक, कमला भण्डारी सहित कुल 10 झन महिला मन मसाला कुटाई मशीन से मसाला निर्माण करत हे। “बिहान“ छ.ग राज्य ग्रामीण आजीविका मिशन  योजना अंतर्गत समूह गठन के तीन महीना के बाद 15000 रू. अनुदान राशि अउ छै महीना बाद 60000 रू. मिलिस। आघू अउ 12 महीना बाद बैंक लिंकेज के राशि 200000 रू. ऋण के रूप में मिलिस। इ ऋण राशि से 20000 रू. के लागत के संग मसाला कुटाई करे गईस अऊ 70000 रू. के बेचरी हो गए हे। जेकर से समूह के शुद्ध आय 50000 रुपिया हो गए हे।