दुर्ग 20 दिसम्बर 2023/ विकसित भारत संकल्प यात्रा ग्राम पंचायत समोदा तहसील दुर्ग म आयोजित होइस। जेमे एसडीएम दुर्ग मुकेश रावटे अउ तहसीलदार प्रफुल्ल कुमार गुप्ता ह समोद़ा के नागरिक मन ल कंप्यूटराइज्ड डिजिटाइजेशन ऑफ लैंड रिकॉर्ड के महत्व अऊ लाभ के बारे म जागरूक करिन। हितग्राही मन ल उंखर जमीन के खसरा बी 1 के नकल घलोक बांटे गीस। संगेच जमीन कागज मन के डिजिटलीकरण के काम 100 प्रतिशत पूरा होए ग्राम पंचायत समोदा के पटवारी रत्नेश भदौरिया ल एसडीएम ह अभिनंदन पत्र दीस। एखर अलावा पहिली के कार्यक्रम रूपरेखा मुताबिक धरती कहे पुकार के थीम उपर नुक्कड़ नाटक, विभाग मन के केंद्रीय योजना के लाभान्वित हितग्राही मन के मेरी कहानी, मेरी जुबानी के कार्यक्रम होइस अउ समान के संग प्रमाण पत्र बांटे गीस।
एसडीएम मुकेश रावटे ह भारत सरकार कोति ले संचालित कई विभाग मन के योजना जइसे उज्जवला योजना, आयुष्मान कार्ड, संग जनहितैशी योजना मन के महत्व ल बताइन। कार्यक्रम म मुख्य रूप ले दुर्ग एसडीएम मुकेश रावटे, तहसीलदार प्रफुल्ल गुप्ता, अउ सीईओ शैलेश भगत, नायब तहसीलदार किशोर वर्मा, विभाग मन के ब्लॉक स्तरीय अधिकारी संग जनपद सदस्य, सरपंच , क्षेत्रीय जनप्रतिनिधि उपस्थित रहिन।
