बलरामपुर 22 दिसम्बर 2023। रोटी, कपड़ा अऊ मकान जइसे बुनियादी जरूरत मन ल पूरा करे बर मनखे उम्मर भर मेहनत करथे, आर्थिक रूप ले कमजोर मनखे बर खुद के घर एक सपना हो जाथे, फेर केन्द्र सरकार के महत्वाकांक्षी योजना प्रधानमंत्री आवास योजना येला पूरा करत हे।
विकासखण्ड शंकरगढ़ के ग्राम जम्होर के आश्रित ग्राम भगवतपुर निवासी श्री बालचन्द्र दिवाकर जेकर उमर 55 साल होहे वो अपन पुश्तैनी कच्चा मकान म परिवार के संग जीवनयापन करत रहिस, ओकर बताती वोकर उपर पूरा परिवार के जिम्मेदारी हे। वो ह कृषि अउर मजदूरी करके अपन परिवार के पालन पोषण करथे। वो ह अपन संघर्ष के दिन ल सुरता करत भावुकता ले बताइस कि वो ह कभू नइ सोचे रहिस कि अपन ये जीवन म पक्का मकान म अपन परिवार के संग रह पाही, वोकर बर पक्का मकान एक सपनेच जइसे रहिस।
प्रधानमंत्री आवास योजना अंतर्गत साल 2018-19 म वोला पक्का घर बनाए बर शासन ले स्वीकृति प्रदान करे गीस। जब ओखर नाम प्रधानमंत्री घर योजना अंतर्गत आइस त ओ ल विश्वास नइ होवत रहिस कि वो अपन परिवार के संग पक्का मकान म रह पाही। प्रधानमंत्री आवास ले ओखर ये सपना सच होत नजर आइस। शासन ले अनुदान म मिले राशि अऊ सहयोग ले अऊ खुद के बचत राशि ल मिलाके वो ह पक्का मकान बना लीस। अब पक्का मकान बन जाय ले ओ मन अपन परिवार के संग पक्का मकान म खुशहाल जीवन यापन करत हे।
