रायपुर, 28 दिसंबर 2023। जनसंपर्क विभाग कोति ले नालंदा परिसर म लगाए गए प्रदर्शनी म राइटिंग वाल म मनखे मन अपन दिलचस्प प्रतिक्रिया लिखत हें। आज एक आगंतुक युवक व्यास ह लिखिस कि मोर घर के पता म छत्तीसगढ़ लिखाइस तो अटल जी के सेती ये।
जानबा हे कि ये प्रदर्शनी म राजधानी रायपुर स्थित नालंदा परिसर म पूर्व प्रधानमंत्री स्व. श्री अटल बिहारी वाजपेयी के छत्तीसगढ़ ले जुड़े सुंदर स्मृति मन ल संजोत अऊ प्रधानमंत्री श्री नरेंद्र मोदी के सियानी म विकसित होत छत्तीसगढ़ म केंद्र सरकार के लोककल्याणकारी योजना मन ल दर्शाए गए हे। एकर आज चौथइया दिन ये।
प्रदर्शनी के आयोजन जनसंपर्क विभाग कोति ले करे जात हे। ये मां अटल जी के कार्यकाल के उल्लेखनीय उपलब्धि अऊ छत्तीसगढ़ ले जुड़े ऊंखर प्रवास के दुर्लभ छायाचित्र मन ल देखाए गए हे। प्रधानमंत्री श्री नरेंद्र मोदी के नेतृत्व म केंद्र सरकार के बहुत अकन इंफ्रास्ट्रक्चर प्रोजेक्ट छत्तीसगढ़ म सुरू होए हे जेकर से छत्तीसगढ़ विकास के दिशा म तेजी ले आगू बढ़त हे। प्रदर्शनी म एकर अवलोकन घलोक करे जा सकत हे। संगेच प्रधानमंत्री श्री मोदी कोति ले सुरू करे गए जनकल्याणकारी योजना मन ल घलोक प्रदर्शित करे गए हे जेकर लाभ उठाके छत्तीसगढ़ समृद्धि कोति बढ़त हे। एकर शुभारंभ मुख्यमंत्री श्री विष्णु देव साय ह सोमवार के सुशासन दिवस के अवसर म करे रहिन। प्रदर्शनी 31 दिसम्बर तक आम जनता के अवलोकन बर खुले रइही।
नालन्दा परिसर म प्रतियोगी परीक्षा के तैयारी करत छात्र- छात्रा मन बड़ संख्या म ये प्रदर्शनी के अवलोकन करे पहुँचत हें। राइटिंग वॉल बोर्ड म बड़ संख्या म अपन प्रतिक्रिया घलोक लिखत हें । शुभारंभ के मौका म केबिनेट मंत्री श्री ओ पी चौधरी ह मोदी के गारंटी अऊ सुशासन के संकल्प पंक्ति लिखे हें। रायपुर ग्रामीण के विधायक श्री मोतीलाल साहू ह अपन प्रतिक्रिया म लिखे हें कि राज्य बनइया अटल जी ल नमन। कोनो आगंतुक ह अटल के सपना के छत्तीसगढ़, अपन खुशहाल छत्तीसगढ़ जइसे लकीर लिखे हे तो कोनो ह अटल जी के कविता ल उद्धृत करे हे। छोटे मन ले कोनो बड़ा नइ होवय, टूटे मन ले कोनो खड़ा नइ होवय।
आज बिरसपत के छायाचित्र प्रदर्शनी के अवलोकन करे आये अम्बिकापुर निवासी अऊ संस्कृत कालेज म अध्ययनरत बालेश्वर पैंकरा जागेश्वर खैरवार अउ प्रमोद कुमार नागेश ह कहिस कि इहां आके अटल जी के अतीत ल जाने अऊ समझे के मौका मिलीस। रायपुर निवासी बी लक्ष्मण राव, कुमारी सुमन, कुमारी टेकेश्वरी अउर कुमारी रुपाली देवांगन ह कहिस कि ये प्रदर्शनी खुला म ऑक्सी रीडिंग जोन म लगाए गए हे जेन अपन आप ही हमन ल आनन्दित करत हे ये प्रदर्शनी शानदार लगिस।
