धमतरी: विकसित भारत संकल्प यात्रा – मेरी कहानी मेरी जुबानी

धमतरी, 05 जनवरी 2024। विकसित भारत संकल्प यात्रा के तहत जिला के कुरुद विकासखण्ड के ग्राम पंचायत जामगांव म आयोजित संकल्प शिविर म प्रधानमंत्री किसान सम्मान निधि योजना के लाभार्थी किसान सुन्दर लाल ढीमर अऊ हरिश्चंद्र साहू ल प्रधानमंत्री किसान सम्मान निधि के राशि मिले ले उंखर जीवन मे बदलाव नजर आए लगे हे। ए किसान मन ह ‘मेरी कहानी मेरी जुबानी’ के संग योजना के लाभ के बारे म उपस्थित ग्रामीणजन ल जानकारी दीन। उमन बताइन कि किसान सम्मान निधि योजना के अंतर्गत साल म तीन किश्त म छै हजार रूपिया के राशि मिलथे। ओ मन ल अब तक सम्मान निधि के किश्त समय म मिलत हे। ये राशि ले ओ मन ल खेती बाड़ी के काम मन म आर्थिक मदद के संगेच बीज, खाद अऊ दवई के खर्च म घलोक काफी हद तक राहत मिले हे। ये प्रकार अब ओ मन ल खेती काम के समय के छोट-छोट जरूरत ल पूरा करे म परेशानी के सामना करना नइ परत हे। उमन ह किसान सम्मान निधि योजना के तहत मिले राशि बर प्रधानमंत्री श्री नरेन्द्र मोदी ल किसान मन के प्रति संवेदनशीलता बर धन्यवाद देहे हें।