विकसित भारत संकल्प यात्रा : मेरी कहानी मेरी जुबानी
धमतरी, 09 जनवरी 2024 । विकसित भारत संकल्प यात्रा के तहत जिला म संकल्प शिविर सरलग आयोजित करे जात हे। संगेच शासन के जनकल्याणकारी योजना मन के जानकारी मनखे मन ल देहे जात अऊ योजना मन ले लाभान्वित हितग्राही घलोक अपन कहानी अपन जुबानी बतावत हें। इही कड़ी म अइसन मत्स्य किसान, जे मन ह किसान क्रेडिट कार्ड के संग मछली पालन बर मिले सब्सिडी के लाभ लीन तते मन हें तरसींवा के महेन्द्र कुमार, भोथीपार के श्रीमती खिलेश्वरी सेन संग आठ आन मत्स्य कृषक। इमन बताइन कि केन्द्रीय योजना ले मछली पालन बर मिलइया सब्सिडी ले लाभ लेके ओ मन अपन आर्थिक स्थिति ल सुधारके प्रगति के रद्दा म आगू बढ़त हें।
जानबा हे कि किसान क्रेडिट कार्ड के तहत पट्टाधारक या खुद के जमीन म बने तालाब अउ संवर्धन पोखर बर प्रति हेक्टेयर चूना, मत्स्यबीज, मत्स्यपूरक आहार, दवई अउ आन बर एक लाख 50 हजार रूपिया के मान ले करजा देहे जात हे। जिला के भोथीपार के जय मां खल्लारी स्व सहायता समूह के अध्यक्ष श्रीमती खिलेश्वरी सेन अऊ तरसींवा के महेन्द्र कुमार ह किसान क्रेडिट कार्ड ले उंखर आर्थिक स्थिति म होए सुधार बर प्रधानमंत्री श्री नरेन्द्र मोदी के धन्यवाद देहे हें।
