प्रधानमंत्री पोषण शक्ति निर्माण योजना के राज्य स्तरीय संचालन सह-मानिटरिंग समिति के होइस बैठक

रायपुर, 0 2 फरवरी 2024। मुख्य सचिव श्री अमिताभ जैन के अध्यक्षता म काली इहां मंत्रालय महानदी भवन म प्रधानमंत्री पोषण शक्ति निर्माण योजना के राज्य स्तरीय संचालन सह-मानिटरिंग समिति के बैठक होइस। प्रधानमंत्री पोषण शक्ति निर्माण योजना के तहत राज्य के शासकीय स्कूल मन म कक्षा 1 ले 8 तक के पढ़ईया लईका मन ल मंझनिया म भोजन देहे जात हे। मुख्य सचिव ह अधिकारी मन ल निर्देश दीन कि स्कूल मन म नियमित रूप ले पढ़ईया लईका मन ल गुणवत्तायुक्त भोजन मिलय, ये ठउका करव। मुख्य सचिव ह संभागायुक्त अउ कलेक्टर मन ल योजना के लगातार मानिटरिंग करे ल कहिन। मुख्य सचिव ह बस्तर संभाग के पांच जिला कांकेर, दंतेवाड़ा, नारायणपुर, बीजापुर अउ सुकमा म आयोजित होवइया विशेष शिविर मन के समय उहां के स्कूल म मध्यान्ह भोजन के स्थिति के विशेष रूप ले मॉनिटरिंग करे के निर्देश अधिकारी मन ल दीन।
वीडियो कॉन्फ्रेंस ले आयोजित ए बैठक म स्कूल शिक्षा विभाग के सचिव श्री सिद्धार्थ कोमल परदेशी, वित्त विभाग के सचिव श्री अंकित आनंद अऊ समिति के सदस्य संग स्कूल शिक्षा, महिला अउर बाल विकास, खाद्य अउ नागरिक आपूर्ति विभाग संग आन विभाग मन के अधिकारी सामिल होइन।