अखिल भारतीय वैदिक महासम्मेलन कार्यक्रम के संघरिन मुख्यमंत्री श्री विष्णु देव साय

रायगढ़, 02 फरवरी 2024। मुख्यमंत्री श्री विष्णु देव साय रायगढ़ जिला के विकासखंड पुसौर के आर्ष गुरुकुल आश्रम तुरंगा म अखिल भारतीय वैदिक महासम्मेलन अउ सम्मान समारोह म मुख्यमंत्री श्री साय ह कार्यक्रम म स्‍वामी दयानंद सरस्वती ल सुरता करत कहिन कि स्‍वामी जी के 200 वीं जन्मशताब्दी के अवसर म आयोजित संत सम्मेलन म आए सबो आगंतुक मन ल धन्यवाद दीन। उमन कहिन कि मोर परम सौभाग्य हे के आज मोला ए कार्यक्रम म आए के अवसर मिलीस।
कार्यक्रम ल संबोधित करत मुख्यमंत्री श्री साय ह कहिन के 1999 में पहली पइत मैं सांसद बने रहेंव। तब ले मोला आर्य समाज के कार्यक्रम मन म जाय के अवसर मिलत हे। उमन कहिन कि ग्रामीण अउ आदिवासी क्षेत्र मन म मनखे के उत्थान बर आर्य समाज बेहतर काम करत हे।
मुख्यमंत्री ह कहिन के 25 दिसंबर के पूरा देश म सुशासन दिवस के रूप म मनाए जाथे अऊ इही दिन छत्तीसगढ़ के 12 लाख ले जादा किसान मन ल 3716 करोड़ रुपए के राशि धान के बोनस के रूप म बांटे गीस। समर्थन मूल्य म किसान मन ले 130 लाख मीट्रिक टन खरीदी के लक्ष्य रहिस, जेन तय लक्ष्य ले जादा हो गे हे।
मुख्यमंत्री श्री साय ह कहिन के 22 जनवरी के अयोध्या म श्री राम जन्मभूमि मंदिर म रामलला के प्राण प्रतिष्ठा करे गीस। मनखे मन के कइ बछर के अगोरा खतम होइस।