मुख्यमंत्री श्री साय ह धर्मपत्नी के संग गृहग्राम बगिया के मुख्यमंत्री कैंप कार्यालय के करिन शुभारंभ

रायपुर, 11फरवरी, 2024। मुख्यमंत्री श्री विष्णु देव साय ह आज जशपुर जिला स्थित अपन गृह ग्राम बगिया म मुख्यमंत्री कैंप कार्यालय के अपन धर्मपत्नी के संग शुभारंभ करिन। मुख्यमंत्री कैंप कार्यालय के उद्देश्य जनता अपन बात ल मुख्यमंत्री जी तक पहुंचा सकयं अऊ मुख्यमंत्री जनता के नजीक अउ सरलग संपर्क बने रहय ए उद्देश्य ले कैंप कार्यालय के शुभारंभ करे गए हे।
आम जनता ल विकास के मुख्य धारा ले जोड़ना अउ प्रशासन म उंखर भागीदारी सुनिश्चित करना प्रशासन बर सचमुच चुनौती भरे काम हे। ए समस्या के समाधान तभे संभव हे जब प्रशासन ल जनसाधारण के प्रवृत्ति अउ सोच के सही ज्ञान होवय।
जनता अऊ प्रशासन म सही तालमेल रहय अऊ जनता के विचार ल सुने जाए। एखर संगेच उंखर समस् या मन ओं के समाधान करे बर प्रयास करे जाही। मुख्यमंत्री श्री साय जी ह कहिन कि मनखे अपन विचार अऊ समस्या मन ल हम तक पहुंचा सकत हें। ए कारण ले ऊंखर बीच एक सकारात्मक संबंध स्थापित करे बर मुख्यमंत्री कैंप कार्यालय के व्यवस्था करे गए हे। ये कैंप कार्यालय आम जनता के समस्या अऊ विचार के सम्मान करत सार्थक समाधान के प्रयास करही।
मुख्यमंत्री श्री विष्णु देव साय ह कहिन कि ए कैम्प कार्यालय म अभी आकाश गुप्ता ल बइठाए गए हे अऊ आगू अधिकारी ल इहां के प्रभार दे जाही। इहां के कैम्प कार्यालय के सम्पर्क नंबर हे 07764-250061, 07764-250062, 07764-250068 हे। ए अवसर म कमिश्नर श्री जी आर चुरेन्द्र, जनसंपर्क विभाग के आयुक्त श्री मयंक श्रीवास्तव, आई जी श्री अंकित गर्ग , कलेक्टर श्री डॉक्टर रवि मित्तल, एस पी श्री शशि मोहन सिंह संग जनप्रतिनिधि, गणमान्य नागरिक उपस्थित रहिन।