कोण्डागांव, 13 फरवरी 2024। प्रधानमंत्री नरेन्द्र मोदी के परीक्षा उपर चर्चा कार्यक्रम के तहत पढ़ईया लईका मन ल परीक्षा के पहिली तनाव मुक्त रखे अउ परीक्षा ल पर्व के रूप म मनाए के लक्ष्य ल लेके नगरपालिका ऑडिटोरियम म परीक्षा पर्व म सुकरवार के कार्यशाला के आयोजन करे गीस। कार्यशाला म राज्य बाल अधिकार संरक्षण आयोग झारखण्ड के सदस्य अउ राष्ट्रीय प्रशिक्षक सुनील कुमार वर्मा उपस्थित रहिस। राष्ट्रीय प्रशिक्षक सुनील कुमार वर्मा ह कार्यक्रम ल संबोधित करत कहिन कि पढ़ईया लइका मन के तुलना कोनो आन लइका मन ले नइ करना चाही। लइका मन ल परीक्षा के समय अइसन तनाव घलोक नइ देना चाही, जेखर से उंखर दिल अउ दिमाग म भय के वातावरण बन जाय। एखर से लइका मन ल सबो स्तर म नुकसानदायक होथे।
ए अवसर म जिला मिशन समन्वयक कोति ले प्रोत्साहित करत कहिन कि पढ़ईया लईका मन ल परीक्षा ल तिहार के जइसे लेके चलना चाही। कोनो प्रकार के तनाव लइका मन ल झन होवय, एकर विशेष ध्यान रखना चाही। खेले ले लइका मन के खेल प्रतिभा के विकास होही अऊ आगू वो क्षेत्र म घलोक बेहतर कर पाही। पढ़ईया लईका मन ल कोनो आन ले प्रतिस्पर्धा करे के जगा म अपन खुद ले प्रतियोगिता होना चाही। देश के मूल्य अऊ आदर्श के सम्मान के भावना प्रबल होना चाही। कार्यशाला म नगरीय निकाय क्षेत्र अंतर्गत अवइया सबो शासकीय अउ अशासकीय विद्यालय मन के प्राचार्य, शाला प्रबंधन समिति के सदस्य, पालक, शिक्षक संघ के सदस्य, नगरीय निकाय के शिक्षक, संकुल समन्व्यक अउ शिक्षा विभाग के अधिकारी-कर्मचारी उपस्थित रहिन।
कोण्डागांव: पढ़ईया लईका मन ल परीक्षा के पहिली तनाव मुक्त रहे अउ परीक्षा ल पर्व के रूप मनाए के संदेश
