धमतरी: महतारी वंदन योजना बर जिला म एक लाख अट्ठईस हजार ले जादा महिला मन ह भरिन आवेदन

धमतरी, 14 फरवरी 2024। प्रदेश के मुख्यमंत्री श्री विष्णुदेव साय के पहल म महिला सशक्तिकरण ल बढ़ावा देहे बर महतारी वंदन योजना शुरू करे गए हे। प्रदेश संग जिला के महिला मन ह घलोक योजना के लाभ लेहे बर बड़ संख्या म आवेदन भरत हें। एखर अलावा विशेष जनजाति कमार बसाहट मन म घलोक अधिकारी मन शिविर लगाके महिला मन ले आवेदन भरवाए जात हे। कलेक्टर सुश्री नम्रता गांधी ह मिले आवेदन मन ल जल्दी ले जल्दी अपलोड करे के निर्देश जिला कार्यक्रम अधिकारी महिला अउ बाल विकास विभाग श्रीमती जगरानी एक्का ल देहे हे।
श्रीमती एक्का ह बताइस कि योजना के तहत जिला म दू लाख 50 हजार के लक्ष्य के विरूद्ध अब तक एक लाख 28 हजार 216 आवेदन मिले हे। उहें 52 हजार 34 आवेदन मन ल अपलोड घलोक करे जा चुके हे। महिला मन के कहना हे कि छत्तीसगढ़ सरकार के कोति ले हर महीना मिलइया एक हजार रूपिया के राशि ले वो अपन छोट-मोट जरूरत ल पूरा करे म सक्षम होही अऊ सम्मानजनक जीवन निर्वाह कर सकही। हर बछर महिला मन ल 12000 रूपिया मिलही।