धमतरी, 13 फरवरी 2024। कलेक्टर सुश्री नम्रता गांधी ह काली कम्पोजिट भवन तीर आयोजित ’निदान’ कार्यक्रम म पहुंचके दिव्यांगजन मन ले चर्चा करिन अऊ ओ मन ल मिलत शासन के योजना मन के जानकारी लीन। ए मौका म उमन कार्यक्रम स्थल म लगे आन विभाग मन के स्टॉल के घलोक निरीक्षण करिन अऊ अधिकारी मन ल जरूरी दिशा-निर्देश दीन। ए मौका म कलेक्टर ह दिव्यांगजन मन ल निःशुल्क बस पास प्रदान करे बर यातायात विभाग के अधिकारी मन ल निर्देशित करे गीस। जानबा हे कि जिला प्रशासन अउ महावीर दिव्यांग सहायता समिति के संयुक्त तत्वावधान आज ले 15 फरवरी तक ’’निदान’’ कार्यक्रम के आयोजन करे जात हे। कार्यक्रम म दिव्यांगजन मन ल सहायक उपकरण, यूडीआईडी कार्ड बनाए के संग शासन के आन योजना मन ले लाभान्वित करे जात हे। आज पहिली दिन 85 दिव्यांगजन मन ल कृत्रिम अंग, कैलिपर्स, सहायक उपकरण, मापन, वितरण, यूडीआईडी कार्ड के काम करे गीस।
कैलिपर्स मिले ले चंचल अब अपन सपना ल करही पूरा
निदान कार्यक्रम म आये दिव्यांगजन मन ल कैलीपर्स लगाए गीस। ए शिविर म आए कुमारी चंचल सोनी ह बताइस कि बचपन ले ही ओखर जेवनी पैर नइ हे, फेर ओ ह कभू हार नइ मानीस। जीवन म अवइया परेशानी मन के डटकर मुकाबला करीस। अभी वो एडजेक्ट फाउंडेशन दिव्यांग आवासीय विद्यालय म रह के कक्षा 11 वीं के पढ़ाई करत हे। चंचल के हिम्मत के अंदाजा इही बात ले लगाए जा सकत हे कि, जेन काम ल करे बर सामान्य मनखे बार-बार सोचथे, ओला चंचल ह अपन जिद ले पूरा करे हे। चंचल बताथे कि ओ ह साल 2022 म स्टीक के सहायता ले हिमालय के चोटी म चढ़ाई करे हे, जेकर ऊंचाई 5363 हे। उहें वो एक अच्छी नृत्यांगन हे, वो कई पइत स्वतंत्रता दिवस अऊ गणतंत्र दिवस के मुख्य समारोह म अपन प्रस्तुति देहे हे अऊ वो एके पैर ले नृत्य करथे। ओ ह कहिस कि अब कैलिपर्स लग जाय ले ओला चले-फिरे म कोनो दिक्कत नइ होगी। उहें अब वो अपन सपना ल पूरा कर सकही। दिव्यांगजन मन के मदद बर आयोजित अइसन निदान कार्यक्रम आयोजित करे बर चंचल ह जिला प्रशासन के धन्यवाद करे हे।
