दंतेवाड़ा: खेती-बाड़ी बर किसान मन ल सही समय म मिलीस बोनस के राशि

दंतेवाड़ा, 14 फरवरी 2024। दूरिहा गांव म रहवईया किसान दंतेवाड़ा जिला के गीदम निवासी श्री पूरनचंद सोनी दू साल के बकाया बोनस राशि 64 हजार 480 रूपिया खाता म आए म खुशी जाहिर करत मुख्यमंत्री श्री विष्णु देव साय ल धन्यवाद दीस अउ कहिस कि बोनस के राशि के उपयोग किसानी काम म करबो। वो ह बने खेती-बाड़ी करे बर जमीन के मरम्मत घलोक कराए के बात कहीस। गांव चितालंका निवासी श्री राजेन्द्र सेठिया ह बताइस कि 27 क्विंटल धान बेचे म ओ ल दू साल के बोनस राशि 64 हजार 640 रूपिया मिले हे। वो ह पइसा के उपयोग लइका मन के पढ़ई-लिखई अऊ उंखर स्कूल फीस भरे बर करही। गांव कवलनार के महिला किसान श्रीमती गीता अऊ ग्राम भोगाम के किसान श्री नतरूराम ह घलोक बोनस राशि मिले म मुख्यमंत्री के आभार जताइन।
जानबा हे कि मुख्यमंत्री श्री विष्णु देव साय के नेतृत्व म किसान मन ल साल 2014-15 अउ 2015-16 के धान के दू साल के बकाया बोनस राशि डीबीटी के माध्यम ले अंतरित करे गए हे। राशि मिले म किसान मन के चेहरा म प्रसन्नता के संग चिंता के लकीर घलोक मिट गए हे। 25 दिसंबर 2023 के सुशासन दिवस के अवसर म बोनस राशि किसान मन के खाता म देहे गीस। किसान मन ह कहिन कि छत्तीसगढ़ सरकार ह सही समय म बोनस राशि देके खेती-बाड़ी के चिंता दूर कर देहे हे।