रायपुर, 16 फरवरी 2024। दुर्ग जिला के पार्श्वतीर्थ नगपुरा स्थित श्री पार्श्व जीव मैत्रीधाम म नवा बने गौशाला के उद्घाटन काली वाणिज्य अऊ उद्योग अउ श्रम विभाग के मंत्री श्री लखन लाल देवांगन ह करिन। वाणिज्य मंत्री श्री देवांगन ह कार्यक्रम ल सम्बोधित करत कहिन कि गौमाता के सेवा करना बहुतेच पुण्य के काम हे। गौमाता म सबो देवी-देवता मन के वास होथे। हमार दैनिक जीवन म गाय के उपयोगिता ल नकारे नइ जा सकय। गाय जीवन भर लाभान्वित करइया पशु हे जेखर सहारे एक परिवार अपन भरण-पोषण कर सकत हे। सर्वसुविधायुक्त शेडयुक्त गौशाला म अभी 65-70 पशु हे अऊ इहां 400 पशुधन रखे के क्षमता हे। गौशाला मन के संचालन जैन समाज ह करत हे ये बड़ खुसी के बात हे।
मंत्री श्री लखन लाल देवांगन ह नगपुरा स्थित गौशाला के करिन उद्घाटन
