61 लाख 28 हजार राशन कार्डधारी मन ह करिन नवीनीकरण बर ऑनलाइन आवेदन

रायपुर, 17 फरवरी 2024। छत्तीसगढ़ म सार्वजनिक वितरण प्रणाली के अंतर्गत अभी हाल म प्रचलित सबो 77 लाख राशनकार्ड मन के नवीनीकरण के काम 25 जनवरी ले जारी हे। 17 फरवरी के स्थिति म 61 लाख 28 हजार 959 राशन कार्डधारी मन ह नवीनीकरण बर आवेदन प्रस्तुत करे हें। राशनकारड मन के नवीनीकरण बर खाद्य विभाग के ऑनलाइन सुविधा के मनखे भरपूर लाभ उठावत हें अऊ खुदे अपन मोबाइल ले खाद्य विभाग के एप के जरिये राशनकार्ड के नवीनीकरण बर आवेदन प्रस्तुत करत हें।
जानबा हे कि राशनकार्ड नवीनीकरण के काम 25 फरवरी 2024 तक करे जाही। विभाग ले मिले जानकारी के मुताबिक राशनकार्ड नवीनीकरण बर खाद्य विभाग के संग खाद्य नागरिक आपूर्ति अउ उपभोक्ता संरक्षण विभाग के नवा मोबाईल एप्प तैयार करे गए हे, एला प्ले स्टोर म जाके डाउनलोड करे जा सकत हे। हितग्राही मन खाद्य विभाग के वेबसाइट http://khadya.cg.nic.in ले घलो डाउनलोड कर सकत हें। राशनकार्डधारी अपन मोबाईल म ए एप्प ले नवीनीकरण बर इलेक्ट्रानिक आवेदन ऑनलाईन प्रस्तुत कर सकत हें। अइसन हितग्राही जिंकर पास एन्ड्राईड मोबाईल नइ हे या जहां मोबाईल कनेक्टिविटी नइ हे उहां उचित मूल्य दुकान स्तर म ऑनलाईन प्रक्रिया के संग राशनकार्ड के नवीनीकरण बर इलेक्ट्रानिक आवेदन प्रस्तुत करे के सुविधा घलोक दे जात हे।