21 फरवरी मुख्यमंत्री श्री विष्णु देव साय के जन्म दिवस म विशेष
मूल हिन्दी लेख – छगनलाल लोन्हारे, उप संचालक, जन संपर्क विभाग, छ.ग.
छत्तीसगढ़ी अनुवाद – गुरतुर गोठ टीम
01 नवम्बर 2000 के भारतीय गणराज्य के 26वां राज्य के रूप म छत्तीसगढ़ राज्य के उदय होइस। मुख्यमंत्री श्री विष्णु देव साय ह 13 दिसम्बर 2023 के प्रदेश के बागडोर संभालीन। ऊंखर बागडोर संभालतेच प्रदेश म सुशासन के नवा बिहान होए लगे हे। प्रदेश सरकार सबके साथ-सबका विकास, सबका विश्वास अऊ सबका प्रयास ध्येय वाक्य ल लेके आगू बढ़त हे। मुख्यमंत्री के अगुवई म 02 महिना के नान्हें समें म कई जनहितकारी फैसला ले समाज के हर वर्ग के तरक्की अऊ खुशहाली बर बहुत अकन कदम उठाए गए हे। सरकार के लोकप्रियता के ग्राफ तेजी ले बढ़त हे। एकर असल कारन स्वच्छ प्रशासन अऊ सरकारी काम-काज म पारदर्शिता लाना हे। प्रदेश के हर नागरिक चाहे वो शहरी होवय या ग्रामीण प्रदेश सरकार के कल्याणकारी सोच ल जानत हे। मनखे मन के सरकार के उपर भरोसा बाढ़त हे। कम समय म राज्य सरकार ह जनता मेर खाए किरिया ल पूरा करे के दिशा म ठोस कदम उठाए हे, जेखर सेती प्रदेश म न्याय, राहत अऊ विकास के नवा दौर शुरू होए हे। सेवा, सुशासन, सुरक्षा अउ विकास के संकल्प ल लेके प्रदेश सरकार जनता के सेवा म दिन-रात लगे हे।
मुख्यमंत्री श्री विष्णु देव साय सरकार ह शपथ ग्रहण करतेच पहली कैबिनेट म 18 लाख हितग्राही मन ल प्रधानमंत्री ग्रामीण आवास योजना के तहत पक्का घर बनाए के निर्णय लीस। प्रदेश म कृषक उन्नति योजना के तहत सरकार ह प्रति एकड़ 21 क्विंटल धान खरीदी के वादा घलोक निभाइस अऊ धान खरीदी के पारदर्शी अऊ सुगम व्यवस्था घलोक करे गीस। ए साल छत्तीसगढ़ म अब तक के सबले जादा धान खरीदी के कीर्तिमान स्थापित होए हे। प्रदेश सरकार ह धान उपार्जन के समय-सीमा 31 जनवरी ले बढ़ाके 04 फरवरी तक करे के एक बड़का निर्णय लीस। सरकार के ए फैसला ले प्रदेश के लाखों किसान मन ल एकर फायदा मिलीस। समर्थन मूल्य म 144.92 लाख मीट्रिक टन धान के रिकॉर्ड खरीदी होइस। राज्य सरकार ह युवा मन के हित म बड़का फैसला लेत पीएससी भर्ती परीक्षा साल 2022 प्रकरण के सीबीआई जांच कराए के निर्णय लेहे हे। छत्तीसगढ़ के स्थानीय निवासी मन ल शासकीय सेवा म भर्ती बर उम्मर के छूट पांच बछर बढ़ा दे गीस। सरकार के ए फैसला ले बहुत अकन युवा मन ल एसका लाभ मिलही अऊ ओ मन फेर प्रतियोगिता बर तैयार होहीं।
भारत के पहिली प्रधानमंत्री भारतरत्न स्वर्गीय श्री अटल बिहारी वाजपेयी के जन्म दिवस सुशासन दिवस 25 दिसम्बर के 12 लाख ले जादा किसान मन के बैंक खाता म 2 साल के धान के बकाया बोनस 3 हजार 716 करोड़ रूपिया के अंतर राशि अंतरित कर दे गीस।
प्रधानमंत्री जनजाति आदिवासी न्याय महाअभियान (पीएम जनमन) के संग पीवीटीजी मने विशेष रूप ले पिछड़े जनजाति समूह मन (बैगा, कमार, पहाड़ी कोरवा, बिरहोर अउर अबुझमाड़िया) ल मूलभूत सुविधा जइसे पक्का घर, संपर्क सड़क, छात्रावास के निर्माण, शुद्ध पेयजल, विद्युतीकरण, बहुद्देशीय केन्द्र, आंगनबाड़ी केन्द्र अउ वनधन केन्द्र के निर्माण, मोबाइल टॉवर के स्थापना, व्यावसायिक शिक्षा अउ कौशल ले परिपूर्ण करे के दिशा म प्रदेश सरकार कृत संकल्पित हे। तेन्दूपत्ता संग्रहण पारिश्रमिक 5500 रूपिया प्रति मानक बोरा देहे के राज्य सरकार ह निर्णय लेहे हे। तेन्दूपत्ता, महुआ, अमली संग सबो लघुवनोपज ले आजीविका के साधन ल मजबूत बनाए बर प्रदेश सरकार माई प्राथमिकता देही। वित्तीय साल 2024-25 बर प्रदेश के 50 लाख ग्रामीण परिवार ल निःशुल्क शुद्ध पेयजल के व्यवस्था बर नल कनेक्शन देहे बर 4,500 करोड़ रूपिया के बजट प्रावधान करे गए हे। दीनदयाल उपाध्याय भूमिहीन कृषि मजदूर मन ल 10 हजार रूपिया वार्षिक सहायता राशि प्रदान करे के बजट म प्रावधान करे गए हे।
मातृ शक्ति के सम्मान करत माता अऊ बहिनी मन के सम्मान, स्वाभिमान, स्वावलंबन अऊ सुरक्षा बर हरसंभव कदम उठाए जाही। उंखर सेहत शिक्षा अऊ पोषण बर राज्य सरकार ह महिला सशक्तिकरण ल बढ़ावा देहे के उद्देश्य ले महतारी वंदन योजना लागू करे हे। एखर अंतर्गत 12 हजार रूपिया वार्षिक आर्थिक सहायता प्रदान करे के वादा निभाए के दिशा म पहल चालू कर दे गए हे। अयोध्या धाम म प्रभु राम के प्रतिमा के प्राण प्रतिष्ठा के प्रति मनखे मन के जिज्ञासा अऊ अगाध श्रद्धा भाव के सम्मान करत प्रदेश सरकार ह रामलला दर्शन योजना चालू करे के निर्णय लेहे हे, एखर तहत हर बछर हजारों मनखे मन ल अयोध्या धाम अउ काशी विश्वनाथ धाम, प्रयाग राज के तीर्थयात्रा कराए जाही। सामान्य परिवार बर हर महीना 400 यूनिट तक आधा दाम म बिजली देहे करे के निर्णय ले गए हे।
प्रदेश सरकार ह प्रधानमंत्री गरीब कल्याण आन योजना के अंतर्गत दिसम्बर 2028 तक निःशुल्क चाउंर देहे के निर्णय लेहे गए हे। छत्तीसगढ़ म ए योजना ले 67 लाख 94 हजार अंत्योदय, प्राथमिकता, एकल निराश्रित अउ निःशक्तजन राशन कार्डधारी मन ल मासिक पात्रता के चावल देहे जाही। महिला मन के जीवन आसान बनाए म प्रधानमंत्री उज्ज्वला योजना के बड़ भूमिका रहे हे। एखर अंतर्गत प्रदेश म अब तक 36 लाख ले जादा नवा गैस कनेक्शन जारी करे गए हे। छत्तीसगढ़ के प्रमुख 5 शक्तिपीठ कुदरगढ़, चन्द्रपुर, रतनपुर, दंतेवाड़ा अउ डोंगरगढ़ ल चारधाम के तर्ज म विकसित करे के कार्ययोजना बनाय जात हे। तीन नदिया मन के संगम राजिम मेला के राष्ट्रीय स्तर म फेर पहिचान देवाए बर राजिम कुंभ (कल्प) के आयोजन करे जाही। छत्तीसगढ़ के समन्वित विकास बर कटघोरा ले डोगढ़गढ़ तक रेललाईन निर्माण बर 300 करोड़ रूपिया के बजट प्रावधान करे गए हे।
छत्तीसगढ़ के तीन करोड़ मनखे मन के जीवन स्तर म सुधार लाय बर राज्य सरकार ह साल 2024-25 बर 01 लाख 47 हजार 446 करोड़ के बजट प्रावधान करे हे। ये बजट सबो वर्ग के समावेशी विकास ल सुनिश्चित करइया अऊ विकसित छत्तीसगढ़ के सपना ल साकार करइया बजट हे। अमृत काल के छत्तीसगढ़ प्रधानमंत्री श्री नरेन्द्र मोदी के साल 2047 तक विकसित भारत के निर्माण के लक्ष्य ल हासिल करे म अग्रणी भूमिका निभाही।
