रायपुर, 26 फरवरी 2024। धर्मस्व अउ संस्कृति मंत्री श्री बृजमोहन अग्रवाल के निर्देश म राजिम कुंभ कल्प 2024 मेला म अवइया जम्मो श्रद्धालु मन के उत्तम स्वास्थ्य ल ध्यान म रखत शासन कोति ले मेला स्थल म गरियाबंद, रायपुर अऊ धमतरी जिला कोति ले निःशुल्क स्वास्थ्य कैंप लगाए गए हे। मेला स्थल म 10-10 बिस्तर के अस्थायी अस्पताल बनाए गए हे। ए अस्पताल म 24 घंटा डॉक्टर, पैरामेडिकल स्टॉफ अऊ लैब टेक्नीशियन पदस्थ करे गए हे। जेखर से मनखे मन ल निःशुल्क स्वास्थ्य जांच अऊ इलाज के सुविधा मिलत हे। संगेच जरूरतमंद मन ल आवश्यकता के मुताबिक दवइ के घलोक वितरण करे जात हे। मेडिकल कैंप म पहुंचइया मरीज मन ल उंखर बीमारी के मुताबिक भरपूर ईलाज के पूरा व्यवस्था हे। एखर बर स्वास्थ्य विभाग ह हर एक अस्थायी अस्पताल म पैथोलॉजी लैब संग ऑक्सीजन सिलेण्डर, इसीजी के व्यवस्था करे हे। ताकि आपालकालीन स्थिति म घलोक मरीज ल तुरंत प्राथमिक उपचार देहे जा सकय।
मंत्री श्री बृजमोहन अग्रवाल के निर्देश म राजिम कुंभ कल्प मेला म बनिस अस्थायी अस्पताल
