मुख्यमंत्री कन्या विवाह योजना: गरीब परिवार के बेटी मन के बिहाव के सपना होवत हे पूरा

बालोद, 29 फरवरी 2024। मुख्यमंत्री कन्या विवाह योजना ले गरीब परिवार के बेटी मन के बिहाव के सपना पूरा होवत हे। योजना के तहत बालोद जिला म मंगलवार ल 185 जोड़ा दाम्पत्य सूत्र म बँधिन। महिला अउ बाल विकास विभाग के संग टाऊन हाल म 16 जोड़ा, वार्ड नंबर 13 गुण्डरदेही म 55 जोड़ा अऊ डौण्डी विकासखण्ड के ग्राम कुसुमकसा म 74 जोड़ा अउ ग्राम सुरसुली के नर्मदा धाम म 42 जोड़ा के बिहाव कराए गीस। ए बेरा म राज्य सरकार कोति ले वर-वधु मन ल जीवनोपयोगी कई समान मन संग सुखमय जीवन के मंगलकामना अउ 21 हजार रूपिया के चेक प्रदान करे गीस। ए बेरा म म जनप्रतिनिधि, वर-वधु के परिवारजन संग शासकीय अधिकारी-कर्मचारी घलोक मौजूद रहिन।
जानबा हे कि मुख्यमंत्री कन्या विवाह योजना आर्थिक रूप ले कमजोर परिवार के कन्या मन के बिहाव बर विशेष प्रयास हे। एखर से बिहाव के दिनों-दिन बाढ़त खरचा ले अभिभावक मन ल राहत मिलत हे। राज्य सरकार ह साल 2024-25 के बजट म मुख्यमंत्री कन्या विवाह योजना बर 38 करोड़ रूपिया के प्रावधान करे हे। महिला अउ बाल विकास विभाग ह ए साल 7600 कन्या मन के बिहाव के लक्ष्य हे।
मुख्यमंत्री कन्या विवाह योजना के तहत प्रति जोड़ा सहायता राशि 50 हजार रूपिया देहे जाथे। योजना के तहत 21 हजार रूपिया तक के आर्थिक सहायता सामान के रूप म, 21 हजार रूपिया के बैंक ड्राफ्ट अउ सामूहिक विवाह आयोजन व्यवस्था म 8 हजार रूपिया तक व्यय करे जात हे।