हिड़मा के गांव के मनखे मन ल मुख्यमंत्री ह देखाइस लोकतंत्र के मंदिर

रायपुर, 28 फरवरी 2024। टाप नक्सली कमांडर हिड़मा के गांव पूवर्ती के मनखे मन, जिंकर अवाज अब तक नक्सली बंदूक के आगू म चुप मुक्‍का हो जात रहिस, उमन पहली पइत विधानसभा म जनता के अवाज ल जनता के प्रतिनिधि मन के माध्यम ले लोकतंत्र के मंदिर म गूंजत सुनिन। सुकमा जिला के पुवर्ती के संग टेकलगुडेम अऊ सिलेगर के गांव वाले मन ह विधानसभा म देखीन कि कइसे लोकतंत्र म पक्ष अऊ विपक्ष मुद्दा मन उपर सहमति-असमहति के बावजूद चर्चा करके आखरी निष्कर्ष म पहुंचथें अऊ जनकल्याण के दिशा म आगू बढ़थें। ओ मन मुख्यमंत्री श्री विष्णु देव साय के आमंत्रण म विधानसभा पहुंचे रहिन। उमन मुख्यमंत्री ले देर तक अपन गांव के बारे म बताइन। मुख्यमंत्री ह कहिन कि नक्सल आतंकवाद के सेती बरसों आप मन के इलाका मन म विकास प्रभावित रहीस। बस्तर के विकास के बिना अऊ आप मन तक विकास पहुंचाये बिना छत्तीसगढ़ के विकास संभव नइ हे। हमन एखर बर नियद नेल्लानार योजना सुरू करे हन। न केवल हम आप मन ल सुरक्षा प्रदान करे खातिर उहां नवा कैंप लगावत हन अउ कैंप के 5 किमी के दायरा म ए योजना के अंतर्गत 25 प्रकार के मूलभूत सुविधा 32 प्रकार के व्यक्तिमूलक योजना के माध्यम ले देवत हन।