बीजापुर: महतारी वंदन योजना नक्सल पीड़ित परिवार मन के बनिस सहारा

बीजापुर, 06 मार्च 2024। बीजापुर छत्तीसगढ़ राज्य के बहुत सुदूर अउ माओवाद प्रभावित जिला ये। सुदूर अतिसंवेदनशील माओवाद क्षेत्र ले भय अऊ आतंक के डर ले कई नक्सलपीड़ित परिवार जिला मुख्यालय ले पुनर्वास करे हे जेमे ले चेरपाल निवासी बाकली हपका अउ लंकापल्ली निवासी वंदना मणी घलोक सामिल हे। दुनो महिला मन ह बताइन कि छत्तीसगढ़ शासन के महत्वाकांक्षी योजना, महतारी वंदन योजना हमार जइसे जिला के हजारों महिला मन बर उम्मीद के एक नवा किरण बनके आए हे। अब इंतजार के घड़ी खतम होवइया हे 07 मार्च के हमार खाता म महतारी वंदन योजना के पहली किस्त एक हजार रूपिया आही हम भविष्य बर खुद ल अब सुरक्षित महसूस करे लगे हन। हमर छोट-मोट जरूरत लइका मन के पढ़ाई अउ आम जरूरत अब आसानी ले पूरा कर सकबो। वंदना मणी ह योजना के बारे म जानकारी महतारी वंदन रथ ले मिले के बात बताईस। जानबा हे कि जिला प्रशासन ह महतारी वंदन योजना के व्यापक प्रचार-प्रसार बर सुदूर अंचल म महतारी वंदन रथ के माध्यम ले करे रहिस जेखर सकारात्मक परिणाम मिलीस। अंदरूनी क्षेत्र मन के महिला मन ह बढ़-चढ़ के अपन आवेदन जमा करे हें।
बाकली हपका अउ वंदना नक्सल पीड़ित परिवार होए के सेती प्राथमिकता के आधार म जिला प्रशासन ह उमन ल रोजगार के अवसर प्रदाय करे खातिर स्थानीय चिक्की फैक्ट्री म काम देहे गए हे। रोजगार ले मिलइया आय के संगे-संग अब महतारी वंदन योजना के रकम मिले ले बाकली अऊ वंदना दुनो महिला मन खुद ल आर्थिक रूप ले मजबूत अऊ सशक्त महसूस करत हें। अइसनहे चिक्की फैक्ट्री म काम करत आन 14-15 महिला मन हे जे मन महिला सशक्तिकरण के दिशा म ए योजना ल महत्वपूर्ण बतात प्रदेश के मुखिया श्री विष्णुदेव साय अउ देश के प्रधानमंत्री श्री नरेन्द्र मोदी के आभार व्यक्त करत भावुक मन ले कहिन कि हम महिला मन के बारे म संवेदनशील निर्णय लेके हमला आर्थिक आजादी कोति अग्रसर करे हे।