मुंगेली: श्रीमती सुहावन साहू के सपना होही पूरा, लइका मन के भविष्य संवारे म मददगार होही महतारी वंदन योजना

मुंगेली, 06 मार्च 2024। हर मां-बाप के सपना होथे कि ओखर लइका बने स्कूल म पढ़य। एक अच्छा वातावरण म जीवनयापन करय, शिक्षक, डाक्टर-इंजीनियर बनय, फेर कई पइत आर्थिक हालत सही नइ होए के सेती ये सपना अधूरा रहि जाथे। अइसनहे सपना मुंगेली विकासखण्ड के ग्राम करही के 65 बछर के श्रीमती सुहावन साहू के घलोक हे, जेन अपन पोता-पोती ल बने स्कूल म पढ़ाना चाहथे अऊ ऊंखर भविष्य ल संवारना चाहथे। फेर वो अपन आर्थिक परेशानी के चलते ये सपना पूरा नइ कर पावत हे। अइसन म वो छत्तीसगढ़ शासन के महत्वाकांक्षी महतारी वंदन योजना के तहत मिलइया राशि के उपयोग अपन पोता-पोती के बेहतर शिक्षा बर करही।
श्रीमती साहू ह बताइस कि ओखर सपना अपन पोता-पोती ल डाक्टर- इंजीनियर बनाए के हे। वोखर घर के आर्थिक हालत ठीक नइ होए के सेती ओ अपन लइका मन ल बेहतर शिक्षा नइ देला पाए रहिस, फेर अब वो अपन पोता-पोती ल बने स्कूल म दाखिला कराके उंखर भविष्य उज्जवल बनाना चाहथे। वो ह ये योजना बर मुख्यमंत्री श्री विष्णुदेव साय अउ मोदी ल धन्‍यवाद दीस।