जांजगीर-चांपा: देश के सेवा करना गौरव के बात : कलेक्टर

जांजगीर-चांपा 09 मार्च 2024, कलेक्टर श्री आकाश छिकारा ह भारतीय थलसेना कोति ले अग्निवीर म भर्ती बर चुने गए जिला के युवा मन के आज जिला रोजगार कार्यालय के सभाकक्ष म 171 उमन ल बधाई अऊ शुभ कामना देवत प्रशस्ति पत्र अउ चिन्हारी देके सम्मानित करिन। कार्यक्रम ल संबोधित करत कलेक्टर श्री छिकारा ह कहिन कि अग्निवीर बनके आप मन ल देश सेवा करे के गौरव मिले हे। एखर से जिला गौरान्वित होए हे।
कलेक्टर श्री छिकारा ह अग्निवीर बर चुने गए युवा मन ल संबोधित करत कहिन कि देश सेवा करे के बहुत अकन अवसर होथे। एमां ले सेना म भर्ती होके देश के सेवा करना अऊ सुरक्षा के संग मजबूत बनना घलोक हे। उमन कहिन कि जिला ले 171 युवा मन के चयन होना गौरव के बात हे। एखर से गांव संग जिला अऊ देश के नाम रोशन होए हे। अग्निवीर बने के बाद आप मन ल अपन मेहनत के फल मिले हे। अग्निवीर बनके देश के सेवा करे ले आप मन के आत्मविश्वास बाढ़ही। उमन कहिन कि अग्निवीर बने के बाद आप मन गांव-शहर के आन युवा मन के प्रेरणास्रोत घलोक बनहू। संयुक्त कलेक्टर श्रीमती आराध्या राहुल कुमार ह आभार व्यक्त करिन। कार्यक्रम के संचालन व्याख्याता श्री दीपक यादव ह करिस।
जानबा हे कि 15 दिसम्बर ले 23 दिसम्बर तक सीईई परीक्षा पास युवा मन के शारीरिक दक्षता परीक्षा आयोजित करे गए रहिस। ये परीक्षा म ए जिला ले 171 युवा सफल होए हें अउ अग्निवीर थलसेना बर चुन लिए गए हें। ए अवसर म जिला रोजगार अधिकारीए भूतपूर्व सैनिक संग संबंधित अधिकारी कर्मचारी मौजूद रहिन।