लोकसभा निर्वाचन-2024 : पहिली चरण अंतर्गत बस्तर लोकसभा क्षेत्र बर कुल 12 अभ्यर्थी मन ह दाखिल करिन कुल 18 नामांकन पत्र

दूसर चरण के निर्वाचन बर अधिसूचना 28 मार्च के होही जारी
दूसर चरण अंतर्गत तीन लोकसभा क्षेत्र मन बर नामांकन पत्र जमा कर सकही अभ्यर्थी
रायपुर, 27 मार्च 2024। लोकसभा निर्वाचन-2024 के अंतर्गत छत्तीसगढ़ म पहिली चरण के निर्वाचन अंतर्गत बस्तर लोकसभा क्षेत्र बर कुल 12 अभ्यर्थी मन ह कुल 18 नामांकन पत्र दाखिल करे हे। पहिली चरण बर नामांकन पत्र के संवीक्षा 28 मार्च के होह‍ि। नाम वापसी के तारीक 30 मार्च 2024 हे। पहिली चरण म बस्तर लोकसभा क्षेत्र म 19 अपरेल ल मतदान होही ।
मुख्य निर्वाचन पदाधिकारी श्रीमती रीना बाबासाहेब कंगाले ह बताइस कि प्रदेश म लोकसभा निर्वाचन 2024 अंतर्गत दूसर चरण बर 28 मार्च 2024 बिरसपतवार के अधिसूचना जारी करे जाही। दूसर चरण म महासमुंद,कांकेर अऊ राजनांदगांव लोकसभा क्षेत्र बर अभ्यर्थी अपन नामांकन दाखिल कर सकही। दूसर चरण अंतर्गत नामांकन पत्र दाखिल करे के आखरी तारीक 4 अपरेल 2024 हे। नामांकन पत्र के संवीक्षा 5 अपरेल के होगी। नाम वापस के आखरी तारीक 8 अपरेल 2024 हे। दूसर चरण बर मतदान तारीक 26 अपरेल 2024 हे।