राजनांदगांव, महासमुंद अऊ कांकेर लोकसभा क्षेत्र बर 4 अपरेल तक लेहे जाही नामांकन
पहिली चरण अंतर्गत बस्तर लोकसभा क्षेत्र बर कुल 11 अभ्यर्थी चुनाव मैदान म
पहिली चरण के निर्वाचन बर मतदान तारीक 19 अपरेल
रायपुर 30 मार्च 2024। लोकसभा निर्वाचन-2024 के दूसर चरण अंतर्गत छत्तीसगढ़ के तीन लोकसभा क्षेत्र कांकेर, राजनांदगांव अऊ महासमुंद म नामांकन के प्रक्रिया 28 मार्च ले चालू हो गए हे। कांकेर लोकसभा क्षेत्र बर आंबेडकराइट पार्टी ऑफ इंडिया के अभ्यर्थी के रूप म श्री सोनसिंह ह आज अपन नामनिर्देशनपत्र जमा करिस।
लोकसभा निर्वाचन 2024 के दूसर चरण अंतर्गत कांकेर, राजनांदगांव अऊ महासमुंद म नामांकन दाखिल के प्रक्रिया 28 मार्च ले चालू हो गे हे। अभ्यर्थी अपन नामांकन पत्र सार्वजनिक अवकाश दिवस ल छोड़के कार्यालयीन दिवस म बिहनिया ११ बजे ले मंझनिया तीन बजे तक जमा कर सकत हे। दूसर चरण बर नामांकन दाखिल करे के आखरी तारीक 4 अपरेल हे। नामांकन पत्र के संवीक्षा 5 अपरेल के करे जाही। नामांकन वापसी के आखरी तारीक 8 अपरेल 2024 हे। दूसर चरण के निर्वाचन अंतर्गत कांकेर, महासमुंद अऊ राजनांदगांव लोकसभा क्षेत्र मन म 26 अपरेल के मतदान होही।
लोकसभा निर्वाचन-2024 के पहिली चरण अंतर्गत बस्तर लोकसभा क्षेत्र म कुल 11 अभ्यर्थी निर्वाचन बर मतदाता मन के बीच जाही। बस्तर लोकसभा क्षेत्र बर मतदान तारीक 19 अपरेल हे।
लोकसभा निर्वाचन 2024 : दूसर चरण म नामांकन के दूसर दिन कांकेर लोकसभा क्षेत्र म एक अभ्यर्थी ह जमा करिस नाम-निर्देशन पत्र
