पेट्रोल पंप कर्मचारी ले मारपीट, दू युवक गिरफ्तार

रायगढ़, 10 May 2024। घरघोड़ा पुलिस ह पेट्रोल पंप कर्मचारी ले आपसी रंजिश म गाली गलौच मारपीट करके चाकू ले चोंट पहुचाए दू युवक ल हत्या के प्रयास के अपराध म गिरफ्तार करके रिमांड म भेजे हे। घटना के आहत – दिलीप प्रसाद पिता विरेन्द्र प्रसाद उम्र 37 साल निवासी जगन्नाथ मंदिर तीर बी.टी.एम. कॉलोनी थाना बी.टी.एम. कॉलोनी जिला झारसुगड़ा (उडिसा) हाल मुकाम गोमती पेट्रोल पंप घरघोड़ा ह थाना घरघोड़ा म रिपोट दर्ज करके बताइस कि वो ह पाछू 06 बछर ले गोमती पेट्रोल पंप म मैनेजर अउर सेल्समेन के काम करत हे । 08 मई के घरघोड़ा साप्ताहिक बाजार होए ले पंप म भीड़ रहिस, संझा करीब 06-07 बजे एक काला रंग के हीरो स्प्लेण्डर प्लस मोटर सायकल म घरघोड़ा निवासी बिट्टू अउर शैलेष आइस अऊ जल्दी हमार मोटर सायकल म पेट्रोल डार कहि के बेवजह गाली गलौच करत रहिन जे मन ल पेट्रोल पंप के संचालक आके समझाइस । ओखर थोकन देर बाद फेर दुनों पंप आइन अऊ गाली गलौच करिन जेला पंप संचालक के पत्नी ह भगाइस । रात लगभग 09.40 बजे वापस बिट्टू अऊ शैलेष पेट्रोल पंप आइस अऊ दिलीप प्रसाद ल जान से मारे बर नुकीला अउ धारदार लोहा के हथियार ले वार करिस जेखर से दिलीप के बांये पसली म चोंट आइस।
आहत के रिपोट म थाना घरघोड़ा म आरोपी मन उपर अप.क्र. 165/2024 धारा 294,506,307,34 भा.द.वि. कायम करे गीस । घटना ल गंभीरता ले लेत थाना प्रभारी निरीक्षक अमित तिवारी ह आहत, गवाह मन के कथन लेके घटनास्थल के निरीक्षण करिस अऊ आहत के मेडिकल कराके रिपोट अनुसार प्रकरण म धारा 324 भा.द.वि. जोडि़स । आहत, गवाह मन के बयान म पुलिस ह तुरंत दुनों आरोपी (1) विवेक पैंकरा उर्फ बिट्टू पिता लखेराम पैंकरा उम्र 20 साल सा. वार्ड क्र. 09 नावापारा घरघोड़ा, थाना घरघोड़ा, जिला रायगढ़ (छ.ग.) (2) शैलेष चैहान उर्फ दादू पिता स्व. राकेष चैहान उम्र 21 साल सा. वार्ड क्र. 06 शैतान चैक घरघोड़ा, थाना घरघोड़ा, जिला रायगढ़ (छ.ग.) ल शैतान चौंक म हिरासत म ले लीस।