रायपुर 04 जून 2024। छत्तीसगढ़ म भाजपा के जबर जीत के बाद मुख्यमंत्री श्री विष्णुदेव साय ह भाजपा प्रदेश कार्यालय ले जनता ल संबोधित करिन। उमन कहिन के देश म 18वां लोकसभा चुनाव के सात चरण म होए मतदान के परिणाम आज आए हे। ए चुनाव म भाजपा नीत राजग गठबंधन ह तीसरइया पइत जीत हासिल करे हे। छत्तीसगढ़ के ग्यारा लोकसभा सीट म दस सीट म भाजपा ह बढ़त बनाए हे। प्रदेश के मुख्यमंत्री विष्णु देव साय ह चुनाव परिणाम उपर कहिन कि सरलग तीसरइया पइत देश के जनता ह प्रधानमंत्री नरेंद्र मोदी के नेतृत्व म भाजपा नीत राजग ल भरपूर जनादेश देहे हे। छत्तीसगढ़ म घलोक हमन इतिहास रचे हन।
