विश्व पर्यावरण दिवस  म मुख्यमंत्री ह सपरिवार अपन निवास परिसर म लगाईन लीम, रुद्राक्ष अऊ चीकू के पौधा

Surabhi Tiwari

रायपुर, 05 जून 2024। मुख्यमंत्री श्री विष्णु देव साय ह आज विश्व पर्यावरण दिवस के मौका म अपन धर्मपत्नी श्रीमती कौशल्या साय अउ परिवारजन के संग अपन निवास परिसर म चीकू, नीम अऊ रुद्राक्ष के पौधा रोपिन। उमन ए अवसर म प्रदेशवासीीमन  ले अपन घर म अऊ आस-पास म पौधा लगाय अऊ पौधा ल जीवित रखे के जिम्मेदारी लेहे के अपील करिन। मुख्यमंत्री श्री साय ह कहिन कि अवइया मानसून म जादा ले जादा वृक्षारोपण करव अऊ अपन घर, आसपास के परिवेश, गांव अऊ शहर अऊ जंगल ल भरपूर हरा-भरा बनावव। मुख्यमंत्री ह कहिन कि राज्य सरकार पर्यावरण के संरक्षण बर हर संभव प्रयास करत हे। ए अवसर म डीएफओ श्री लोकनाथ पटेल, एसडीओ श्री व्ही. एन. मुखर्जी अउ मुख्यमंत्री निवास के अधिकारी-कर्मचारी घलोक उपस्थित रहिन।
मुख्यमंत्री श्री विष्णु देव साय ह अपन ट्विटर हैंडल म एक ठन विडियो तको शेयर करे हें-

लउछरहा..