रायपुर, 10 जून 2024। छत्तीसगढ़ शासन के वाणिज्य, उद्योग अऊ श्रम मंत्री श्री लखन लाल देवांगन ले ऊंखर दू दिन के दिल्ली दउरा के बेरा म काली बिहनिया इंडियन चैम्बर ऑफ कॉमर्स के पदाधिकारी मन ह मुलाकात करिन।
मंत्री श्री देवांगन ह छत्तीसगढ़ राज्य म जादा ले जादा निवेश करे खातिर बनाय जात नवा उद्योग नीति के संबंध म चैम्बर ऑफ कॉमर्स के पदाधिकारी मन ल बताइन। उमन कहिन के प्रदेश म मुख्यमंत्री श्री विष्णुदेव साय सरकार के सुशासन म प्रमुख लक्ष्य ये हे के बेहतर उद्योग नीति तैयार होवय, ताकि देश अऊ विदेश के अलग अलग सेक्टर के छोटे-बड़े उद्योग प्रदेश म लग सकय। जतका नवा उद्योग स्थापित होही, वोचकेच रोज़गार के नवा अवसर उपलब्ध होही। एखर बर सबो उद्योगपति मन के सुझाव बहुत महत्वपूर्ण साबित होही। उमन कहिन के छत्तीसगढ़ वन, कृषि अऊ खनिज संपदा ले समृद्ध राज्य हे। एखर से संबंधित उद्योग अऊ ओखर व्यापार प्रदेश के विकास म गति लाही। विशेष करके अइसन उत्पाद जेकर अंतरराष्ट्रीय बाजार म मांग हे, वो सेक्टर मन म नवा उद्योग लगाय के जरूरत हे।
मंत्री श्री देवांगन ह कहिन के सबो सेक्टर म नवा उद्योग बर सरकार कोति ले जरूरी सहयोग करे जाही। ए अवसर म आईसीसी के जनरल सेक्रेटरी श्री नितिन पंगोत्रा, कोऑर्डिनेटर श्री अतुल आर दयाल, ऑटो पार्ट्स इंडस्ट्री के श्री अमित गर्ग, इंफ्रास्ट्रक्चर डेवलपमेंट के इंटरप्रोन्योर श्री राजेश धर शर्मा, कोरबा के श्री प्रफुल्ल तिवारी, नरेन्द्र पाटनवार, मंत्री के विशेष सहायक श्री भागवत जयसवाल घलोक उपस्थित रहिन।
उद्योग मंत्री श्री देवांगन ले दिल्ली म इंडियन चैम्बर ऑफ कॉमर्स के पदाधिकारी मन ह करिन मुलाकातउद्योग मंत्री श्री देवांगन ले दिल्ली म इंडियन चैम्बर ऑफ कॉमर्स के पदाधिकारी मन ह करिन मुलाकात
