रायपुर, 10 जून 2024। मुख्यमंत्री श्री विष्णु देव साय ह प्रधानमंत्री श्री नरेन्द्र मोदी ल सरलग तीसरइया पईत देश के प्रधानमंत्री पद के शपथ लेहे म छत्तीसगढ़ के तीन करोड़ जनता कोति ले हार्दिक बधाई अउ शुभकामना देहे हें।
उमन अपन बधाई संदेश म कहे हें कि प्रधानमंत्री श्री मोदी के कुशल अउ मजबूत नेतृत्व म एनडीए के तीसरइया कार्यकाल विकसित भारत के विराट संकल्प के सिद्धि के परिचायक बनही। संगेच अवइया समय भारत के नवा उपलब्धि मन के पूर्णता के साक्षी होही। मुख्यमंत्री ह कहिन कि डबल इंजन के सरकार ले छत्तीसगढ़ के विकास ल नवा ऊंचाई मिलही।
मुख्यमंत्री श्री साय ह प्रधानमंत्री श्री नरेन्द्र मोदी के मंत्री परिषद म सामिल सबो सदस्य मन ल बधाई अउ शुभकामना देहे हें। उमन छत्तीसगढ़ के सांसद श्री तोखन साहू ल केन्द्रीय मंत्री परिषद म सामिल करे म खुशी जाहिर करत श्री साहू ल बधाई अउ शुभकामना देहे हें।
छत्तीसगढ़ के उप मुख्यमंत्री श्री अरूण साव अऊ श्री विजय शर्मा, स्कूल शिक्षा मंत्री श्री बृजमोहन अग्रवाल, कृषि मंत्री श्री रामविचार नेताम, खाद्य मंत्री श्री दयालदास बघेल, वन मंत्री श्री केदार कश्यप, उद्योग मंत्री श्री लखनलाल देवांगन, स्वास्थ्य मंत्री श्री श्याम बिहारी जायसवाल, वित्त मंत्री श्री ओ.पी. चौधरी, महिला बाल विकास मंत्री श्रीमती लक्ष्मी राजवाडे, राजस्व मंत्री श्री टंकराम वर्मा ह प्रधानमंत्री श्री नरेन्द्र मोदी संग केन्द्रीय मंत्री परिषद म सामिल सबो सदस्य मन ल बधाई अउ शुभकामना देहे हें। उमन छत्तीसगढ़ ले प्रधानमंत्री श्री मोदी के मंत्री परिषद म सामिल बिलासपुर सांसद श्री तोखन साहू ल घलोक बधाई अऊ शुभकामना देहे हें।
