जम्मो विभाग मन के बड़का अधिकारी मन बैठक म होही सामिल
रायपुर, 11 जून 2024। मुख्यमंत्री श्री विष्णु देव साय लोकसभा चुनाव पूरा होए के बाद शासकीय काम-काज म कसावट अऊ तेजी लाय बर 13 जून ले कई ठन विभाग मन के काम-काज अऊ योजना मन के प्रगति के समीक्षा शुरू करइया हें। ए समीक्षा बैठक म संबंधित विभाग मन के वरिष्ठ अधिकारी मन उपस्थित रइहीं।
मुख्यमंत्री श्री साय 13 जून के मंझनिया 01 बजे ले मुख्यमंत्री निवास कार्यालय म कृषि अउ उद्यानिकी विभाग अउ 3 बजे ले पशुधन विकास, मत्स्यपालन अउ दुग्ध महासंघ के काम-काज के समीक्षा करहीं। मुख्यमंत्री 14 जून के बिहनिया 11.30 बजे ले स्वास्थ्य विभाग अउ मंझन 3 बजे चिकित्सा शिक्षा, खाद्य अउ औषधि प्रशासन विभाग के समीक्षा बैठक लेहीं। मुख्यमंत्री 15 जून के बिहंचे 1.30 बजे ले लोक स्वास्थ्य यांत्रिकी अउ मंझनिया 2 बजे ले गृह अउ जेल विभाग के समीक्षा बैठक लेहीं।
