सतनामी समाज हे गुरू बाबा घासीदास के देखाय रद्दा म चलइया शांतिप्रिय समाज
बलौदाबाजार घटना के दोषी मन के खिलाफ कड़ी ले कड़ी कार्यवाही होही
मुख्यमंत्री ले सतनामी समाज के प्रतिनिधिमंडल ह करिस मुलाकात
रायपुर, 13 जून 2024। मुख्यमंत्री श्री विष्णुदेव साय ह आज संझा इहां राजधानी स्थित अपन निवास कार्यालय म सतनामी महासभा समिति के प्रतिनिधिमंडल ले चर्चा करत ये बात कहीन। उमन प्रतिनिधिमंडल ल आश्वस्त करत कहिन कि हाले म होए बलौदाबाजार जिला के घटना बहुतेच निंदनीय हे। ये मा दोषी मन के खिलाफ कड़क कार्यवाही होही। उमन ए दौरान समाज के मनखे मन ल आश्वस्त करिन के निर्दोष मनखे मन ल कोनो प्रकार ले प्रताड़ित नइ करे जाए। उमन समाज के मनखे मन ल भरोसा देवाइन के शासन- प्रशासन कोति ले होवइया कार्यवाही पूरा न्यायसंगत होही।
ए अवसर म गृहमंत्री श्री विजय शर्मा, राजस्व मंत्री श्री टंकराम वर्मा, भूतपूर्व मंत्री अउर विधायक श्री पुन्नू लाल मोहले अऊ सतनामी समाज के प्रमुख सर्वश्री डॉ बसन्त अंचल, लक्ष्मी सिन्हा, चौथराम भारद्वाज, राजेश आदिले, भुवनलाल लहरे, भरत लाल खांडे, रामेश्वर सोनहरे, एमपी कुर्रे, दिनेश लहरे, डॉ एस एल निराला, प्रदीप श्रृंगी, देवेंद्र रात्रे, डॉ प्रकाश कुर्रे आदि सामिल रहिन।
