जल जीवन मिशन के तहत 3234 गांव मन म पहुंचाए जाही नदी के पानी, 10 लाख ले जादा परिवार ल मिलही मीठा जल
प्रदेश म कुल 4527 करोड़ रुपिया लागत के 71 मल्टी-विलेज योजना म के काम शुरू
उप मुख्यमंत्री श्री अरुण साव ह गुणवत्ता सुनिश्चित करत सबो काम मन ल समय-सीमा म पूरा करे के दीन हुकुम
रायपुर, 14 जून 2024। प्रदेश म भू-जल म समस्या वाले गांव मन म पेयजल आपूर्ति बर जल जीवन मिशन के तहत मल्टी-विलेज योजना (Multi-Village Scheme) शुरू करे जात हे। खारा पानी, भू-जल म भारी तत्व के मौजूदगी या जल स्तर के जादा नीचे चले जाय के समस्या ले जूझत गांव मन म ए योजना के माध्यम ले नदी के मीठा पानी पहुंचाए जाही। कुल 4527 करोड़ रुपिया के लागत ले राज्य के 18 जिला मन म 71 मल्टी-विलेज योजना के काम चालू हो गए हे। ए योजना के माध्यम ले 3234 गांव मन म शुद्ध पेयजल के आपूर्ति करे जाही। ए गांव मन के दस लाख ले जादा घर म पाइपलाइन के संग स्वच्छ अउ सुरक्षित पेयजल पहुंचाए जाही। उप मुख्यमंत्री अउ लोक स्वास्थ्य यांत्रिकी मंत्री श्री अरुण साव ह सबो मल्टी-विलेज योजना मन म गुणवत्ता सुनिश्चित करत सबो काम मन ल समय-सीमा म पूरा करे के निर्देश देहे हें, जेखर से मनखे मन तक लउहे साफ पेयजल पहुंच सकय।
