रायपुर, 17 जून 2024। छत्तीसगढ़ सरकार के फ्लैगशिप महतारी वंदन योजना कमजोर अउ मध्यम वर्ग के महिला मन बर बहुत हरेक प्रकार ले लाभप्रद सिद्ध होके मुश्किल वक्त के सहारा बन गए हे। आज घलोक पुरुष प्रधान भारतीय समाज म महिला मन ल छोट-बड़ जरूरत मन के पूर्ति बर पुरुष मन उपर ही निर्भर रहना परथे। आज के दौर म घलोक कामकाजी महिला मन के पइसा ऊंखर पिता, पति, ससुर या ऊंखर घर के मुखिया तीर जमा होथे। फेर राज्य सरकार के महतारी वंदन योजना के राशि हर महीना संबंधित महिला के खाता म सीधा जमा होए ले ये पइसा राज्य के महिला मन बर बहुत ही उपयोगी साबित होवत हे।
राज्य सरकार के ए लोक कल्याणकारी योजना के माध्यम ले हर महीना एक हजार रूपिया मिले ले जिला के ग्राम झलमला के वार्ड नंबर 08 के निवासी डिलेश्वरी बर आर्थिक संबलता के आधार बने हे। ए योजना के फलस्वरूप राशि मिले ले डिलेश्वरी अपन छोटे लइका मन बर नियमित रूप ले पौष्टिक भोज्य पदार्थ के प्रबंध करे के अलावा जरूरत परे म ईलाज अउ साबुन, सोडा आदि छोटे-मोटे जरूरत मन ल आसानी ले पूरा कर पावत हे। अब वो ल अपन दैनिक जरूरत के चीज मन के पूर्ति अउ ईलाज आदि जरूरी काम मन बर अब कोनो तीर हाथ फैलाय के जरूरत नइ परत हे।
वो ह कहिस के छत्तीसगढ़ सरकार के महतारी वंदन योजना हमार जइसे बहुत अकन गरीब अउ मध्यम वर्ग के महिला मन बर हर मुश्किल वक्त के सहारा बन गइएहे। हरेक महिना ए योजना के राशि ऊंखर खाता म जमा होए ले अब ओला जरूरत के समान मन के प्रबंध करे म कोनो प्रकार के कठिनाई नइ होवत हे। एखर अलावा ओ अपन दू छोटे लइका कुमारी पूर्वी अउर 02 वर्षीय बालक जतिन पटेल बर घलोक आसानी ले पौष्टिक खाद्य पदार्थ के प्रबंध कर पावत हे।
mahatari vandan yojana online check status success stories
