योग ल दैनिक जीवन शैली के हिस्सा बनावव: श्री विष्णु देव साय
रायपुर, 20 जून 2024। मुख्यमंत्री श्री विष्णु देव साय ह प्रदेशवासी मन ल दशम् अंतर्राष्ट्रीय योग दिवस के शुभकामना देहे हें। योग दिवस के पूर्व संध्या म आज इहां जारी अपन संदेश म मुख्यमंत्री ह कहिन के योग असली रूप ले शरीर, मन अऊ आत्मा ल शुद्ध करे के एक प्रक्रिया हे। एखर से शारीरिक शक्ति के संग हमला सकारात्मकता अऊ अंदर के भावनात्मक मजबूती घलोक मिलथे। सही म योग स्वस्थ, तनावमुक्त अऊ अनुशासित जीवन जीए के एक शैली ये।
श्री साय कहिन के योग ल निरोग रहे के उत्तम साधन माने गए हे। ये भारत के प्राचीन परंपरा हे। हमार ऋषि-मुनी मन ह एखर महत्व ल बहुत पहिली ले ही जान डरेे रहिन। अब पूरा विश्व योग के महत्व समझत हे। हर साल 21 जून के पूरा विश्व योग दिवस मनाथे। सबो मनखे ल अपन स्वास्थ्य बर योग करना चाही। श्री साय ह कहिन के शारीरिक ऊर्जा, स्वास्थ्य अऊ रोग प्रतिरोधक क्षमता के विकास म योग के काफी सकारात्मक प्रभाव देखे ल मिले हे। उमन मनखे मन ले योग के संदेश ल जन-जन तक पहुंचाए अऊ एला जीवन शैली के हिस्सा बनाए के अपील करे हें।
