30 जून तक होही नवीनीकरण
रायपुर, 22 जून 2024। खाद्य, नागरिक आपूर्ति अउ उपभोक्ता संरक्षण विभाग के निर्देशानुसार प्रदेश प्रचलित राशनकार्ड के नवीनीकरण अउ राशनकार्डधारी मन के ई-केवायसी करे जात हे। प्रदेश के जम्मो श्रेणी के राशनकार्ड अन्त्योदय, प्राथमिकता, एकल निराश्रित, निशक्तजन अऊ एपीएल योजना के राशनकार्डधारीमन के ई-केवायसी अउ राशनकार्ड मन के नवीनीकरण 30 जून 2024 तक अनिवार्य रूप ले कराए बर कहे गए हे। खाद्य विभाग ले मिले जानकारी के मुताबिक राशनकार्ड नवीनीकरण करे बर ई-केवायसी कराना अनिवार्य हे। अभी हाल म प्रदेश म लगभग 77 लाख राशनकार्ड हितग्राही हे। अब तक कुल 70 लाख राशन कार्डधारक मन के नवीनीकरण करे गए हे।
नवीनीकरण के काम म पहिली पायदान म बीजापुर जिला हे। कुल हितग्राही 71,368 हितग्राही मन म ले 71,145 हितग्राही मन ह नवनीकरण करा डरे हें। दूसर नम्बर म नारायणपुर जिला 36,167 हितग्राही मन म ले 35,831 हितग्राही मन ह, अइसने तीसर स्थान म सुकमा जिला 78752 हितग्राही मन म ले लगभग 78 हजार हितग्राही मन ह अपन राशन कार्ड नवीनीकरण के काम करवा डरे हें।
विभाग ले मिल जानकारी के मुताबिक राशनकार्ड नवीनीकरण बर खाद्य विभाग के संग खाद्य नागरिक आपूर्ति अउ उपभोक्ता संरक्षण विभाग के नवा मोबाईल एप्प तैयार करे गए हे, एला प्ले स्टोर म जाके डाउनलोड करे जा सकत हे। हितग्राही मन खाद्य विभाग के वेबसाइट http://khadya.cg.nic.in ले डाउनलोड करके नवीनीकरण के काम कर सकत हें। हितग्राही उचित मूल्य दुकान म घलोक जाके ऑनलाईन के माध्यम ले अपन नवीनीकरण अऊ ई-केवायसी के काम करवा सकत हें।
ई-केवायसी बर हर एक हितग्राही के बायोमेट्रिक अपडेट होना चाही जेन सदस्य मन के बाल आधार बने हे ओ मन ल पहिली आधार सेवा केंद्र ले अपन बायोमेट्रिक अपडेट कराना होही एखर बाद उचित मूल्य दुकान के ई-पॉस मशीन ले ई-केवायसी करा सकत हे। राशनकार्ड म ई-केवायसी अऊ नवीनीकरण के सुविधा निःशुल्क हे।
As per the instructions of the Food, Civil Supplies and Consumer Protection Department, renewal of the state’s prevalent ration cards and e-KYC of ration card holders is being done. It has been said to be mandatory to get e-KYC and renewal of ration cards of all categories of ration cards of the state, Antyodaya, Priority, Single Destitute, Disabled and APL scheme ration card holders done by 30 June 2024.
