मुख्यमंत्री निर्माण श्रमिक आवास सहायता योजना
रायपुर, 22 जून 2024। श्रमिक हितैषी प्रदेश के विष्णुदेव सरकार म मुख्यमंत्री निर्माण श्रमिक आवस सहायता योजना के तहत श्रम मंत्री श्री लखन लाल देवांगन के निर्देश म प्रदेश के कुल 352 श्रमिक मन ल एक-एक लाख रूपिया के सहायता राशि के स्वीकृति दे गए हे।
छत्तीसगढ़ भवन अउ आन संनिर्माण कर्मकार कल्याण मण्डल के पंजीकृत निर्माण श्रमिक मन ल अपन भूखंड म घर या नवा घर क्रय बर पात्र हितग्राही मन ल मुख्यमंत्री निर्माण श्रमिक आवास सहायता योजना के तहत राशि देहे जाथे।
आचार संहिता के हटे के बाद श्रम मंत्री श्री लखन लाल देवांगन ह हाले म श्रम विभाग के मैराथन बैठक लेके सबो योजना मन के समीक्षा करे रहिन। समीक्षा बैठक म श्रम मंत्री ह अधिकारी मन ल निर्देशित करे रहिन के मुख्यमंत्री निर्माण श्रमिक आवास सहायता योजना के पात्र हितग्राही मन ल तुरंत राशि जारी करव। मंत्री श्री देवांगन के निर्देश म प्रदेश भर के 352 हितग्राही मन ल राशि स्वीकृत करे गीस। हितग्राही मन ल डीबीटी के माध्यम ले ऊंखर खाता म एक-एक लाख रूपिया के राशि देहे जात हे।
मंत्री श्री लखन लाल देवांगन ह सबो जिला मन के श्रम विभाग के अधिकारी मन ल निर्देशित करे हें के ए योजना के तहत जादा ले जादा पात्र श्रमिक हितग्राही मन ल लाभ देवावव। श्रमिक मन ल फॉर्म भरे अऊ जमा करे म उंखर मदद करव।
