रायपुर 23 जून 2024। मुख्यमंत्री श्री विष्णु देव साय ह आज प्रख्यात शिक्षाविद्, राष्ट्रवादी चिंतक अऊ विचारक डॉ. श्यामा प्रसाद मुखर्जी ल ऊंखर बलिदान दिवस के अवसर म नमन करिन। अपन निवास कार्यालय म उमन डॉ श्यामा प्रसाद मुखर्जी के छायाचित्र उपर माल्यार्पण करके ओ मन ल श्रद्धांजलि अर्पित करिन हें।
ए मौका म मुख्यमंत्री श्री साय ह कहिन कि डॉ. श्यामा प्रसाद मुखर्जी के व्यक्तित्व समर्पण, निष्ठा अऊ राष्ट्रप्रेम ले भरे रहिस। ऊंखर विचार आज तको हमार बर प्रेरणदायी हे। ऊंखर दृढ़ सिद्धांत अऊ चिंतन ह युवा मन ल नवा दिशा देखाईस। ओ मन अगाध राष्ट्र प्रेम अऊ राष्ट्र के एकता-अखंडता बर समर्पित भावना के कारण हमेसा चिरस्मरणीय रइहीं। ऊंखर आदर्श मन उपर चलत हम समृद्ध अऊ सशक्त भारत के निर्माण बर संकल्पित हन।
मुख्यमंत्री श्री विष्णु देव साय ह डॉ. श्यामा प्रसाद मुखर्जी के पुण्यतिथि म ओ मन ल नमन करिन
