रायपुर, 24 जून 2024। जिला के प्रभारी मंत्री अऊ स्वास्थ्य, परिवार कल्याण अउ चिकित्सा शिक्षा मंत्री श्याम बिहारी जायसवाल ह आज जिला प्रवास के समय कलेक्ट्रेट के अरपा सभा कक्ष म विभागीय गतिविधि मन के समीक्षा करिन। उमन शिक्षा, स्वास्थ्य, कृषि, पेयजल अउ पर्यटन विकास म विशेष जोर दीन। उमन राजस्व विभाग के समीक्षा के समय कहिन कि जमीन ले संबंधित एको प्रकरण लंबित नइ होना चाही अउ सीमांकन के सबो 90 लंबित प्रकरण एक हफ्ता के भीतर अनिवार्य रूप ले निराकृत करव। प्रभारी मंत्री ह किसान मन के आय बढ़ाए बर कृषि के अलावा उमन ल जिला म बने 119 अमृत सरोवर मन म मछरी उत्पादन बर निशुल्क मछली बीज देहे अऊ उद्यान फसल- आम, केला, पपीता, कटहल आदि के खेती बर प्रेरित करे ल कहिन। उमन मिलेट्स के खेती ल बढ़ावा देहे अउ सुगंधित धान के खेती करइय किसान मन ल मिनी राइस मिल बर आर्थिक सहायता उपलब्ध कराए ल कहिन।
स्वास्थ्य मंत्री श्री श्याम बिहारी जायसवाल ह विभागीय गतिविधि मन के करिन समीक्षा
