जगदलपुर, 03 जुलाई 2024। “एक पेड़ माँ के नाम” थीम उपर कलेक्टर श्री विजय दयाराम ह अपन परिवार के संग अपन शासकीय निवास परिसर म पौधरोपण करिन। अइसनहे जिला पंचायत सीईओ श्री प्रकाश सर्वे ह घलोक अपन निवास म पौधरोपण करिन। ए बेरा म वन विभाग के अमला घलोक मौजूद रहिस।
जानबा हे के विश्व पर्यावरण दिवस के अवसर म प्रधानमंत्री ह एक पेड़ माँ के नाम अभियान के शुभारंम्भ करे हें, अऊ देशवासी मन के संग दुनियाभर के मनखे ले उमन गिलोली करे हें के उहू मन अपन माँ के संग मिलके या मां के नाम म एक पेड़ जरूर लगावयं। बस्तर म वन विभाग के सौजन्य ले “एक पेड़ माँ के नाम” थीम उपर निःशुल्क पौधा बांटे जात हे। बस्तर वनमंडल ह 01 जुलाई ले हरियाली प्रसार योजना के तहत घलोक निःशुल्क पौधा बांटत हे।
