रायपुर, 04 जुलाई 2024। मुख्यमंत्री श्री विष्णु देव साय ह आज मुख्यमंत्री निवास कार्यालय म युग प्रवर्तक अऊ युवा मन के प्ररेणास्रोत स्वामी विवेकानंद के पुण्यतिथि म कोटि-कोटि नमन करिन। श्री साय ह कहिन के स्वामी जी ह भारतीय दर्शन अऊ आध्यात्म ले पूरा दुनिया ल परिचय कराइन अऊ मानवता के कल्याण के रद्दा देखाइन। छत्तीसगढ़ ह स्वामी जी के उदार, व्यवहारिक अऊ सुधारवादी सिद्धांत मन ल अपनाए हे। स्वामी जी के बचपन के कुछ समय रायपुर म बीते हे, ये छत्तीसगढ़ बर गौरव के विसय हे। आज छत्तीसगढ़ स्वामी जी के देखाय रद्दा अऊ सिद्धांत ल लेके आगू बढ़त हे।
जानबा हे कि स्वामी विवेकानंद ह अमेरिका स्थित शिकागो म सन् 1893 म आयोजित विश्व धर्म महासभा म भारत के प्रतिनिधित्व करे रहिन। उमन रामकृष्ण मिशन के स्थापना करे रहिन। ओ मन महान संत श्री रामकृष्ण परमहंस के शिष्य रहिन।
