कबीरधाम, 13 जुलाई 2024। प्रदेश के उपमुख्यमंत्री अउ गृह मंत्री श्री विजय शर्मा काली सुकरवार के कबीरधाम जिला के बोड़ला विकासखण्ड के सुदूर वनांचल ग्राम सोनवाही पहुंचके गांव वाले मन संग पीड़ित परिवार के परिजन मन ले मुलाकात करिन। उपमुख्यमंत्री श्री शर्मा ह ग्राम सोनवाही म 10 जुलाई के होए दू गांव वाले मन के आकस्मिक मृत्यु म अपन गहिर संवेदना प्रकट करिन। उमन ग्राम सोनवाही के आदिवासी बालक छात्रावास म बनाय गे अस्थाई स्वास्थ्य शिविर के निरीक्षण करिन अऊ उपचार कराए आए मरीज मन ले चर्चा करिन। उमन चिकित्सक मन ल बेहतर उपचार करे के निर्देश दीन। श्री शर्मा ह कहिन कि प्रधानमंत्री श्री नरेंद्र मोदी के मंशा के मुताबिक अउ मुख्यमंत्री श्री विष्णु देव साय ह प्रधानमंत्री जनमन योजना म जइसन काम करे के निर्देश देहे गे हे ओ म तेजी ले कारवाई करत योजना के प्रभावी क्रियान्वयन सुनिश्चित करव।
उपमुख्यमंत्री ह जिला प्रशासन ल निर्देशित करत कहिन कि वनांचल संग मैदानी क्षेत्र मन म मौसमी बीमारी, डायरिया, उल्टी दस्त अऊ जलजनित बीमारी मन के संक्रमण झन होवय एखर बर प्रभावी कार्य योजना बनाए के जरूरत हे। उमन कलेक्टर ल वनांचल क्षेत्र मन म स्वास्थ्य शिविर लगाय अऊ मलेरिया, डायरिया संग मौसमी बीमारी मन के बचाव बर जागरूकता अभियान चलाय के निर्देश दीन। उपमुख्यमंत्री श्री शर्मा ह सुदूर वनांचल क्षेत्र चिल्फी, झलमला अऊ तरेगांव जंगल के शासकीय अस्पताल म सोनोग्राफी मशीन डीएमएफ ले जल्दी क्रय करे के निर्देश दीन। उमन वनांचल सबो गांव मन म स्वास्थ्य शिविर, जल स्त्रोत मन के क्लोनिशेन कराए के निर्देश दीन।
