रायपुर, 15 जुलाई 2024। मुख्यमंत्री श्री विष्णु देव साय ले आज इहां ऊंखर निवास कार्यालय म एसबीआई के मध्यप्रदेश-छत्तीसगढ़ सर्कल के मुख्य महाप्रबंधक श्री चंद्रशेखर शर्मा ह सौजन्य मुलाकात करिन। उमन मुख्यमंत्री ल पुष्पगुच्छ अऊ बस्तर आर्ट के चिनहा भेंट करिन।
मुख्यमंत्री श्री साय ह श्री शर्मा ले छत्तीसगढ़ म बैंकिंग क्षेत्र ले जुड़े कई ठन बिंदु मन उपर चर्चा करिन। मुख्यमंत्री ह कहिन के शासकीय योजना मन के लाभ आम मनखे मन तक पहुंचाए म बैंक मन के बड़का भूमिका हे। छत्तीसगढ़ राज्य के सुदूर इलाका खासकर गांव मन तक बैंक शाखा मन के अऊ जादा विस्तार होवय ताकि दूरस्थ क्षेत्र के जादा ले जादा ग्रामीण-जन बैंकिंग प्रणाली के हिस्सा बन सकंय। चर्चा के समय मुख्यमंत्री श्री साय ह राज्य म वित्तीय समावेशन बढ़ाए अऊ गांव वाले मन ल बैंकिंग साक्षरता ले जोड़े उपर बल दीन। मुख्यमंत्री ल श्री शर्मा ह भारतीय स्टेट बैंक से ए दिशा म उठाये जात कदम अऊ आगू के कार्ययोजना के विसय म जानकारी दीन। ए अवसर म उपमहाप्रबंधक रायपुर श्री राकेश कुमार सिन्हा घलोक उपस्थित रहिन।
