रायपुर, 18 जुलाई 2024, राजस्व मंत्री श्री टंक राम वर्मा के निवास कार्यालय म आज भारत स्कॉउट अउ गाइड के राज्य मुख्य आयुक्त डॉ. सोमनाथ यादव ह सौजन्य भेंट करिन। डॉ. यादव ह भारत सरकार स्काउट अउ गाइड्स के छत्तीसगढ़ म आयोजित गतिविधि मन ले उमन ल अवगत करात स्काउट गाइड्स झीपन म आबंटित भू-खण्ड के विकास बर मंत्री श्री वर्मा ल ज्ञापन सौंपिन।
डॉ. यादव ह मंत्री श्री वर्मा ल अवगत कराइन के भारत स्काउट्स अउ गाइड्स छत्तीसगढ़ के निर्माणाधीन राज्य प्रशिक्षण केन्द्र ग्राम झीपन, तहसील सिमगा जिला बलौदाबाजार-भाटापारा स्थित जमीन खसरा नं. 11, रकबा 13.40 हेक्टयर म ले 5 हेक्टयर जमीन ल भारत स्काउट्स अउ गाइड्स छत्तीसगढ़ राज्य प्रशिक्षण केन्द्र बर ग्राम पंचायत के सहयोग ले शासन कोति ले हस्तांतरित करे गए हे। राज्य प्रशिक्षण केन्द्र म बाऊन्ड्रीवाल निर्माण करे के ज्ञापन सौंपत डॉ. यादव ह कहिन कि भारत स्काउट्स अउ गाइड्स छत्तीसगढ़ से विविध प्रशिक्षण अउ आन गतिविधि मन के संचालन जइसे आपदा प्रबंधन शिविर, एडवेंचर कैंप आदि के आयोजन करे जात हे जेखर बर मैदान म समतलीकरण करना अतिआवश्यक हे। एखर संगेच उमन जरूरी एडवेंचर बेस के निर्माण अऊ राज्य प्रशिक्षण केन्द्र झीपन के सौंदर्यीकरण करे के ज्ञापन तको सौंपिन।
