बालोद, 19 जुलाई 2024। बालोद जिला के पुलिस अधीक्षक एस.आर. भगत (Balod District Superintendent of Police S.R. Bhagat) के निर्देशन अउ अति. पुलिस अधीक्षक आशोक कुमार जोशी (Additional Superintendent of Police Ashok Kumar Joshi) के मार्गदर्शन अउ देवांश राठौर एस डी ओ पी बालोद (Devansh Rathore SDOP Balod) के नेतृत्व म सायबर सेल टीम ह शासकीय एकलव्य महाविद्यालय डौंडी लोहारा म छात्र/छात्रा अउ गुरूजी मन ल तीन नवा कानून के संग साईबर सुरक्षा, साइबर अपराध, पोक्सो एक्ट मन के परखर जानकारी देहे गीस ।
साइबर क्राईम अउ साइबर सुरक्षा के संबंध म आनलाईन फ्राड जइसे मातृत्व वंदना योजना, बिजली बिल ऑनलाईन भुगतान, फोन पे, गुगल पे, पेटीएम म कैश बैक ऑफर, टावर लगाय के नाम म, केबीसी लॉटरी लगे के नाम म ठगी, लोन एप्स साइट, फेसबुक मैसेंजर, व्हाट्सएप के संग अश्लील वीडियो काल करके ब्लैकमेलिंग, एटीएम कार्ड के सुरक्षित उपयोग, एटीएम कार्ड नंबर, पिन नं. सीवीवी नंबर, ओटीपी नंबर, शेयर नइ करे, अनजान कड़ी म किलिक नइ करे के संबंध म अउ साइबर क्राईम हेल्फ लाईन नं. 1930 के संबंध म बने सहिन जानकारी देहे गीस। किशोर न्याय अधिनियम 2015 लैंगिक अपराध ले बालक मन के संरक्षण अधिनियम (पोक्सो एक्ट 2012) मानव/बाल तस्करी के संबंध म घलो जानकारी देहे गीस। एकर संगेच सखी सेंटर, महिला मन के सुरक्षा संरक्षण, घरेलू हिंसा अधिनियम 2005, चाईल्ड हेल्फ लाईन नं. 1098 मन के जानकारी साझा करे गीस।
