रायपुर, 19 जुलाई 2024। छत्तीसगढ़ के मशहूर रंग निर्देशक अऊ आकाशवाणी म वरिष्ठ उद्घोषक रहे मिर्ज़ा मसूद के निधन हो गए। रतिहा 3 बजे उमन अपन आखरी सांस लीन। मिर्जा मसूद अड़बड़ दिन ले बीमार रहिन। उमन अपन परिवार के संग इंदौर म रहत रहिन। 82 साल के उमर म उंखर निधन होय हे। मिर्ज़ा मसूद के निधन के खबर ले कला जगत अऊ पत्रकारिता जगत म शोक के माहौल हे। उमन आकाशवाणी म उद्घोषक के रूप म अपन लम्बा करियर बिताइन अऊ रंगमंच बर अपन पूरा जीवन बिताए रहिन। छत्तीसगढ़ राज्य शासन के चक्रधर सम्मान अऊ चिन्हारी सम्मान संग दिल्ली के राष्ट्रीय नाट्य विद्यालय (एन.एस.डी) म घलोक विशेष सम्मान उमन ल मिले रहिस। मिर्जा मसूद 80 साल के उम्र पार करे के बाद घलोक थेियेटर बर समर्पित रहिन। उमन कई नाटक लिखे रहिन अऊ ओखर निर्देशन घलोक करे रहिन। मिर्ज़ा मसूद के जन्म 3 अपरेल 1942 के होय रहिस। मिर्जा मसूद ह बाल कलाकार के रूप म अपन करियर के शुरुआत करे रहिन। उमन स्कूल अऊ कॉलेज म कई नाटक करे रहिन। उमन हबीब तनवीर के निर्देशन म 1973 म रायपुर म आयोजित अखिल भारतीय नाचा वर्कशॉप म घलोक भागीदारी दे रहीन।
https://jantaserishta.com/local/chhattisgarh/cg-news-famous-theatre-artist-mirza-masood-passes-away-3401438
