रायपुर, 25 जुलाई 2024। मुख्यमंत्री श्री विष्णु देव साय ले रॉयल किड्स कॉन्वेंट स्कूल के छात्र मन ह मुलाकात करिन। राजनांदगांव से आए रॉयल किड्स कॉन्वेंट के कक्षा 11वीं अऊ 12वीं के पढ़ईया लईका मन ह आज विधानसभा परिसर के भ्रमण करिन। ए बेरा म पढ़ईया लईका मन ह विधानसभा अध्यक्ष डॉ. रमन सिंह, उप मुख्यमंत्री श्री अरुण साव अऊ नेता प्रतिपक्ष श्री चरण दास महंत ले घलोक मुलाकात करिन।
रॉयल किड्स कॉन्वेंट स्कूल के पढ़ईया लईका मन ह पहली पइत विधानसभा के कार्यवाही ल प्रत्यक्ष रूप ले देखिन। पढ़ईया लईका मन ह मुख्यमंत्री अऊ विधानसभा अध्यक्ष ले मुलाकात के समय जिज्ञासा वश कई महत्वपूर्ण पसवाल पूछीन अऊ विधानसभा के कार्यप्रणाली के बारे म महत्वपूर्ण जानकारी प्राप्त करिन। पढ़ईया लईका मन ह ए अनुभव ल बहुत ज्ञानवर्धक अऊ प्रेरणादायक बताइन।
मुख्यमंत्री श्री विष्णु देव साय ह छात्र मन ल अपन अनुभव साझा करत कहिन कि युवा पीढ़ी के राजनीति अऊ सरकारी कार्यप्रणाली के प्रति जागरूक होना बहुत जरूरी हे। विधानसभा अध्यक्ष डॉ. रमन सिंह ह पढ़ईया लईका मन ल विधानसभा के कार्यवाही अऊ ओखर भूमिका के बारे म विस्तृत जानकारी दीन। उहें, नेता प्रतिपक्ष श्री चरण दास महंत ह पढ़ईया लईका मन ल राजनीति म नैतिकता अऊ ईमानदारी के महत्व उपर बल दीन। ये भम्रण पढ़ईया लईका मन बर एक महत्वपूर्ण शैक्षणिक यात्रा साबित होइस, जेमां उमन न केवल विधानसभा के कार्यवाही ल उमन देखीन, भलुक प्रदेश के प्रमुख नेता मन ले घलोक बातचीत करे के अवसर पाइन।
