‘एक पेड़ मां के नाम’ अभियान के तहत विधानसभा आवासीय परिसर म वृक्षारोपण कार्यक्रम के आयोजन
विधानसभा अध्यक्ष, नेता प्रतिपक्ष, उप मुख्यमंत्री अऊ मंत्री मन ह घलोक करिन वृक्षारोपण
विधायक मन ह घलोक अपन मां के स्मृति अऊ सम्मान म लगाइन पौधा
रायपुर, 25 जुलाई 2024। प्रधानमंत्री श्री नरेन्द्र मोदी के आह्वान ‘एक पेड़ मां के नाम’ के तहत आज छत्तीसगढ़ विधानसभा के आवासीय परिसर म वृक्षारोपण कार्यक्रम के आयोजन करे गीस। मुख्यमंत्री श्री विष्णु देव साय ह अपन मां के सम्मान म उहां बेल के पौधा लगाइन। विधानसभा के अध्यक्ष डॉ. रमन सिंह ह सीताफल, नेता प्रतिपक्ष डॉ. चरणदास महंत ह हनुमान फल अऊ उप मुख्यमंत्री श्री अरुण साव ह नीम के पौधा के रोपण करिन।
विधानसभा आवासीय परिसर म वृहद वृक्षारोपण कार्यक्रम म कृषि मंत्री श्री रामविचार नेताम ह रामफल, वन मंत्री श्री केदार कश्यप ह महुआ, खाद्य मंत्री श्री दयालदास बघेल ह आंवला, श्रम मंत्री श्री लखन लाल देवांगन अऊ महिला अउ बाल विकास मंत्री श्रीमती लक्ष्मी राजवाड़े ह हर्रा, स्वास्थ्य मंत्री श्री श्याम बिहारी जायसवाल ह लक्ष्मण फल, वित्त मंत्री श्री ओ.पी. चौधरी ह बेल अउ राजस्व मंत्री श्री टंकराम वर्मा ह पीपल के पौधा लगाइस।
वृक्षारोपण कार्यक्रम म विधायक अऊ राज्य शासन के वरिष्ठ अधिकारी मन ह घलोक अपन मां के स्मृति अऊ सम्मान म पौधा लगाइन। कार्यक्रम म आज कई ठन प्रजाति के सौ ले जादा पौधा लगाइन। वन विभाग के अधिकारी मन ह बताइन कि विधानसभा के आवासीय परिसर म 50 एकड़ क्षेत्र म इकोलॉजिकल पार्क (Ecological Park) विकसित करे जात हे। इही कड़ी म आज इहां ‘एक पेड़ मां के नाम’ अभियान के अंतर्गत वृहद वृक्षारोपण कार्यक्रम के आयोजन करे गीस।
