जगदलपुर अऊ बिलासपुर घलोक केन्द्र के स्वदेश दर्शन योजना ले जुडि़स
मुख्यमंत्री श्री विष्णुदेव साय ह केन्द्रीय पर्यटन मंत्री के प्रति जताइन आभार
रायपुर, 26 जुलाई 2024। मुख्यमंत्री श्री विष्णुदेव साय ह जशपुर जिला के मयाली बगीचा ल देश के प्रमुख पर्यटन स्थल म सामिल करे अउ स्वदेश दर्शन योजना म जगदलपुर अऊ बिलासपुर ल सामिल करे म केन्द्रीय पर्यटन मंत्री गजेंद्र सिंह शेखावत के प्रति आभार व्यक्त करे हें। एखर संगेच मुख्यमंत्री ह केन्द्र सरकार कोति ले सूरजपुर जिला के कुदरगढ़ मंदिर ल प्रसाद योजना म सामिल करे म प्रसन्नता व्यक्त करे हें।
जशपुर के मयाली बगीचा ल केंद्र सरकार ह देश के वो 42 डेस्टिनेशंस म चुने हें, जिन ल चुनौती मानत विकसित करे जाही। ये केंद्र के स्वदेश दर्शन 2.0 प्रोजेक्ट के हिस्सा होही। अइसनहे स्वदेश दर्शन योजना म देशभर के 57 शहर के पहिचान करे गए हे, जेमें छत्तीसगढ़ के बिलासपुर अऊ जगदलपुर ल सामिल करे गए हे। ये वो शहर ये, जिहां अंतरदेशीय पर्यटन केंद्र विकसित होही। एखर बर 29 प्रोजेक्ट मंजूर करे गए हे, जेन में बिलासपुर अऊ जगदलपुर म घलोक काम होही। एखर संगेच सूरजपुर जिला के कुदरगढ़ मंदिर समेत देशभर के 29 स्थान मन ल तीर्थयात्रा के कायाकल्प बर प्रसाद योजना म चुने गए हे।
केन्द्रीय पर्यटन मंत्री श्री गजेन्द्र सिंह शेखावत ह काली राज्य सभा म एक अतारांकित सवाल के लिखित जवाब म बताइन के ए योजना मन उपर अमल शुरू हो गए हे। भारत सरकार के पर्यटन मंत्रालय ह स्वदेश दर्शन 2.0 योजना के अंतर्गत विकास के प्रक्रिया तेज कर देहे हे। एखर बर छत्तीसगढ़ के बिलासपुर अऊ जगदलपुर संग देश म 57 स्थान मन के पहिचान करे गए हे। ए प्रोजेक्ट के तहत 29 परियोजना मन ल मंजूरी देहे गए हे। इही योजना के तहत चुनौती आधारित गंतव्य विकास बर देशभर म 42 स्थान मन के चयन करे गए हे, जेमां जशपुर के मयाली बगीचा घलोक हे। जानबा हे कि मयाली बगीचा जशपुर जिला के बेहद खूबसूरत पर्यटन केंद्र माने जाथे। पर्यटन मंत्रालय ह तीर्थयात्रा कायाकल्प अऊ आध्यात्मिक संवर्धन अभियान (प्रसाद) योजना के अंतर्गत विकास बर छत्तीसगढ़ के सूरजपुर जिला के कुदरगढ़ मंदिर ल घलोक चुन लेहे हे। एला मिलाके देशभर म कुल 29 स्थान मन के चयन करे गए हे, जिहां ए योजना के तहत प्रोजेक्ट लाइन जावत हे।
